Antoni Gaudí

De Uiquipedia
Saltar a: navegación, buscar
Wikipedia:Artículos destacaos
Antoni Gaudí
Antoni gaudi.jpg
Gaudí fotografiáu por Pablo Audouard (1878).
Datos personales
Nacencia 25 de xunu de 1852
Reus o Riudoms (Cataluña)
Muerte 10 de xunu de 1926 (73 años)
Periodu Sieglu XIX-XX
Movimientu Modernismu catalán
Firma Signature Antoni Gaudí.svg

Antoni Gaudí i Cornet (Reus o Riudoms,[1] 25 de xunu de 1852Barcelona, 10 de xunu de 1926) foi un arquiteutu catalán y máximu representante del modernismu catalán.

Gaudí foi un arquiteutu con un sentíu innatu de la xeometría y el volume, según una gran capacidá imaxinativa que lu dexaba proyeutar mentalmente la mayoría de les sos obres enantes de pasales a planos. Ello ye que poques vegaes facía planos detallaos de les sos obres; prefería recrealos sobro maquetes tridimensionales, moldiando tolos detalles según diba escurriendo mentalmente. N'otres ocasiones, diba improvisando sobro la marcha, dando instrucciones a los sos collaboradores sobro lo qu’habíen de facer.

Dotáu d'una fuerte intuición y capacidá creativa, Gaudí concebía los sos edificios d'una forma global, atendiendo mesmo a les soluciones estructurales qu’a les funcionales y decoratives. Estudiaba hasta'l más mínimu detalle de les sos creaciones, integrando na arquiteutura toa una riestra de trabayos artesanales qu’él mesmu llevaba a la perfeición: cerámica, vidriería, forxa de fierro, carpintería, etc. Coles mesmes, introdució nueves téuniques nel tratamientu de los materiales, como'l so famosu “trencadís” fechu con pieces de cerámica de refugaya.

Dempués d'unos entamos influyíu pol arte neogóticu, según ciertos enclinos orientalizantes, Gaudí desaguó nel modernismu na so dómina de mayor fervencia, ente finales del sieglu XIX y entamos del XX. Sicasí, l'arquiteutu reusense foi más alló del modernismu ortodoxu, creando un estilu personal basáu na observación de la naturaleza, frutu del cual foi'l so usu de formes xeométriques reglaes, como'l paraboloide hiperbólicu, l’hiperboloide, l’helicoide y el conoide.

L'arquiteutura de Gaudí ta marcada por un fuerte sellu personal, carauterizáu pola busca de nueves soluciones estructurales, que llogró dempués de toa una vida dedicada al analís de la estructura óptima del edificiu, integráu na so redolada y siendo una síntesis de toles artes y oficios. Per aciu del estudiu y la práutica de nueves y orixinales soluciones, la obra de Gaudí va rematar nun estilu orgánicu, inspiráu na naturaleza, pero ensin perder la esperiencia apurrida por estilos anteriores, xenerando una obra arquiteutónica que ye una simbiosis perfeuta de la tradición y l'anovamientu. Coles mesmes, tola so obra ta marcada poles que fueron los sos cuatro grandes pasiones na vida: l’arquiteutura, la natura, la relixón y l'amor a Cataluña.[2]

La obra de Gaudí algamó col pasu del tiempu un ampliu espardimientu internacional, siendo innumberables los estudios dedicaos a la so forma d'entender l'arquiteutura. Güei día ye almiráu tanto por profesionales como pol públicu en xeneral: la Sagrada Familia ye anguaño unu de los monumentos más visitaos d'España.[3] Ente 1984 y 2005 siete de les sos obres fueron consideraes Patrimoniu de la Humanidá pola Unesco.

Cquote1.svg ”La guapura ye’l rellume de la verdá, y como que l'arte ye guapura, ensin verdá nun hai arte”. —Antoni Gaudí.[4]Cquote2.svg

Biografía[editar | editar la fonte]

Casa natal de Gaudí, según dalgunes versiones, nel Carrer Sant Vicenç i Alegre de Reus.
El Mas de la Calderera, casa familiar de los Gaudí en Riudoms.

Nacencia, infancia y estudiu[editar | editar la fonte]

Antoni Gaudí nació en 1852, fíu del industrial caldereru Francesc Gaudí i Ferrucha (1813-1906) y d'Antònia Cornet i Bertran (1819-1876). Yera'l menor de cinco hermanos, de los que namái llegaron a edá adulta trés: Rosa (1844-1879), Francesc (1851-1876) y Antoni. Los oríxenes familiares de Gaudí remonten al sur de Francia, n'Auvernia, dende onde unu de los sos antepasaos, Joan Gaudí, vendedor ambulante, pasó a Cataluña nel sieglu XVII; l'apellíu nel so orixe podría ser Gaudy o Gaudin.[5]

 
 
 
 
 
 
 
 
 
 
 
 
 
 
 
 
 
 
Francesc Gaudí
 
 
 
 
 
 
 
 
 
 
 
 
 
 
Francesc Gaudí i Ferrucha
 
 
 
 
 
 
 
 
 
 
 
 
 
 
 
 
 
Rosa Ferrucha
 
 
 
 
 
 
 
 
 
 
 
 
 
 
Antoni Gaudí i Cornet
 
 
 
 
 
 
 
 
 
 
 
 
 
 
 
 
 
 
 
 
Anton Cornet
 
 
 
 
 
 
 
 
 
 
 
 
 
 
Antònia Cornet i Bertran
 
 
 
 
 
 
 
 
 
 
 
 
 
 
 
 
 
Maria Bertran
 
 
 
 
 
 
 
 
 
 
 
 
 

Desconózse'l llugar esautu de la nacencia de Gaudí, yá que nun se caltien nengún documentu que lu especifique, esistiendo un discutiniu ente Reus y Riudoms (dos conceyos vecinos y colindantes de la contorna del Baix Camp) sobre la llocalidá nataliega del arquiteutu. Sicasí, na mayoría de documentos de Gaudí, tanto de la so dómina d'estudiante como nos de la so dómina profesional, figura como nacíu en Reus. Sicasí, el mesmu Gaudí manifestó en diverses ocasiones que yera de Riudoms, llugar d'orixe de la so familia paterna.[6] Lo que sí ye seguro ye que foi bautizáu na ilesia prioral de Sant Pere Apòstol de Reus el día dempués de la so nacencia. El nome que consta na so partida de bautismu ye Antoni Plàcid Guillem Gaudí i Cornet.[7]

Fuera como fuere, Gaudí sintió un gran apreciu pola so tierra natal, lo qu'evidenciaba nel so gran mediterraneísmu, fechu qu'influyó notablemente na so arquiteutura: Gaudí dicía que los pueblos mediterráneos tienen un sentíu innatu del arte y el diseñu, que son creativos y orixinales, mientres que los pueblos nórdicos son más téunicos y repetitivos. En pallabres del propiu Gaudí:

Cquote1.svg ”Nós tenemos la imaxe. La fantasía vien de les pantasmes. La fantasía ye de la xente del Norte. Nós somos concretos. La imaxe ye del Mediterraneu. Orestes sabe aú va, mientres que Hamlet parola perdíu ente duldes”.[8] Cquote2.svg

Gaudí (al fondu) col so padre (centru), la so sobrina Rosa y el doctor Santaló nuna visita al Montserrat (1904).

La estancia na so tierra natal sirvió-y, coles mesmes, pa conocer y estudiar fondamente la natura, sobremanera nes sos estancies braniegues nel Mas de la Calderera, la casa de los Gaudí en Riudoms. Gustába-y el contautu cola naturaleza, polo que darréu fíxose miembru del Centru Escursionista de Cataluña (1879), entidá cola que realizó numberosos viaxes per toa Cataluña y el sur de Francia. Tamién prauticó mientres un tiempu la equitación, y hasta la so vieyera caminaba unos diez quilómetros diarios.[9]

El pequeñu Gaudí yera de naturaleza encoxigada, y careció reumatismu dende neñu, lo que-y tresmitió un calter un tanto amorráu y reserváu.[10] Quiciabes por eso, de mayor conviértese en vexetarianu[11][12] y en partidariu de les teoríes hixenistes del doctor Kneipp.[13] Por cuenta d'estes creyencies –y por motivos relixosos–, n'ocasiones fai ayunos perduros, tanto que n'ocasiones ponía en peligru la so propia vida, como en 1894, añu en que cayó gravemente enfermu por mor d'un enllargáu ayunu.[14]

Realizó los sos primeros estudios nel parvulariu del maestru Francesc Berenguer, padre del que sedría unu de los sos principales collaboradores, y depués pasó a los Escolapios de Reus; destacó en dibuxu, collaborando col selmanariu El Arlequín.[15] Tamién trabayó mientres un tiempu como aprendiz na fábrica testil “Vapor Nou” de Reus. En 1868 treslládase a Barcelona pa cursar enseñanza media nel Conventu del Carme de la ciudá condal. Na so adolescencia tuvo cercanu al socialismu utópicu, realizando xunto con dos compañeros d'estudios, Eduard Toa i Güell y Josep Ribera i Sans, un proyeutu de restauración pal Monesteriu de Poblet que lu convertiría nun falansteriu utópicu-social.[16]

Ente 1875 y 1878 realizó'l serviciu militar nel Arma d'Infantería en Barcelona, siendo destináu a Alministración Militar. Pasó la mayor parte del tiempu rebaxáu de serviciu por causa de la so mala salú, polo que pudo siguir colos estudios. Gracies a ello nun tuvo qu'entrar en combate, pos coincidió neses feches cola Tercer Guerra Carlista.[17] En 1876 tuvo llugar el murniu socesu de la muerte de so madre, a los 57 años, amás de la del so hermanu Francesc a los 25, médicu acabante titular que nun llegó a exercer.

Cursó arquiteutura na Escuela de la Llotja y na Escuela Téunica Cimera d'Arquiteutura de Barcelona, onde graduó en 1878. Al empar de les asignatures d'arquiteutura asistió a clases de francés y delles asignatures d'Hestoria, Economía, Filosofía y Estética. El so espediente académicu foi regular, con dalgún qu'otru suspensu; Gaudí esmolecíase más de los sos propios intereses que de les asignatures oficiales.[18] Elies Rogent, direutor de la Escuela d'Arquiteutura de Barcelona, dixo nel momentu d'otorgá-y el títulu:

Cquote1.svg ”Dimos el títulu a un llocu o a un xeniu, el tiempu lo va dicir”.[19] Cquote2.svg

Pa pagase la carrera, Gaudí trabayó como delliniante pa diversos arquiteutos y constructores, como Leandre Serrallach, Joan Martorell, Emili Sala Cortés, Francisco de Paula del Villar y Lozano y Josep Fontserè.[20] Quiciabes por eso, al recibir el títulu, Gaudí, col so irónicu sentíu del humor, comentó al so amigu l'escultor Llorenç Matamala:

Cquote1.svg ”Llorenç, dicen que yá soi arquiteutu”.[21] Cquote2.svg

Proyeutos de carrera
Proyeutu de Puerta del cementeriu Proyeutu d'embarcaderu Proyeutu de Fonte pa la plaça Catalunya de Barcelona Paraninfu universitariu
1875-Proyeutu de Puerta del cementeriu.

Con esti dibuxu fechu a l'acuarela, Gaudí va recibir la nota d'escelente, en setiembre del cursu de 1875, yá que na convocatoria de xunu quixo presentar una xarré fúnebre, proyeutu qu'abandonó pola engarradiella col caderalgu August Font.

1876-Proyeutu d'Embarcaderu.

Esti proyeutu d'un embarcaderu real xunto a un llagu, fízolu pa presentalu al premiu especial d'un esame estraordinariu, que nun consiguió.

1877-Proyeutu de Fonte pa la plaça Catalunya de Barcelona.

Constaba d'una gran fonte, qu'ocuparía'l solar de la plaza cásique por completo y tenía un altor de cuarenta metros. Amuesa los conocimientos sobro fierro forxao qu'adquiriera gracies a los trabayos fechos con Josep Fontserè nel parque de la Ciutadella.

1877-Proyeutu fin de carrera: Paraninfu universitariu.

Nesti proyeutu del esame de reválida recibió la calificación mínima d'«aprobáu por mayoría».

Madurez y llabor profesional[editar | editar la fonte]

Detalle de les faroles de la Plaza Real.
Vitrina pa la Guantería de Comella.
Gaudí y Eusebi Güell de visita na Colonia Güell (1910).

Los sos primeros proyeutos fueron los de les Faroles de la Plaza Real, el proyeutu irrealizáu de Quioscos Girossi y la Cooperativa Obrera Mataronense. Col so primer encargu importante, la Casa Vicens, Gaudí empieza a adquirir sonadía, y recibe encargos cada vuelta de mayor valumbu. Na Esposición Universal de París de 1878 Gaudí espunxo una vitrina fecha pa la Guantería Comella. El diseñu modernista, al empar funcional y estéticu de la obra, impresionó al industrial catalán Eusebi Güell que, al so regresu, contautó col arquiteutu pa encamenta-y dellos proyeutos que tenía en mente. Empezó asina una llarga amistá y un granible mecenalgu que dio orixe a delles de les más destacaes obres de Gaudí: les Bodegues Güell, los Pabellones Güell, el Palaciu Güell, el Parque Güell y la Cripta de la Colonia Güell. D'esta miente, rellacionóse tamién col marqués de Comillas, suegru del conde Güell, pal que realizó El Caprichu de Comillas.

En 1883 aceptó facese cargu de siguir les recien entamaes obres del Templu Espiatoriu de la Sagrada Familia. Gaudí modificó'l proyeutu inicial dafechu, convirtiéndola na so obra cume, conocida y almirada en tol mundu. De magar 1915 dedicóse cásique por completu a esti proyeutu, hasta que morrió. Gaudí empezaba a recibir cada vez más encargos, polo que, al trabayar en delles obres al empar, tuvo qu'arrodiase d'un ampliu equipu de profesionales de tolos campos rellacionaos cola construcción; nel so estudiu formaríense numberosos arquiteutos que col tiempu algamaríen un puestu de sonadía nel sector, como Josep Maria Jujol, Joan Rubió, Cèsar Martinell, Francesc Folguera y Josep Francesc Ràfols. En 1885, pa escapar de la epidemia de cólera qu'afaraba Barcelona, Gaudí pasó una temporada en Sant Feliu de Codines, morando na casa de Francesc Ullar, al que n'agradecimientu diseñó una mesa de comedor.[22]

Carné d'espositor de Gaudí pa la Esposición Universal de Barcelona (1888).

Unu de los asocedíos de la dómina pa la capital catalana, y que sirvió de puntu de partida pal modernismu, foi la Esposición Universal de 1888, onde los principales arquiteutos del momentu espondríen les sos meyores obres. Gaudí participó col edificiu de la Compañía Tresatlántica, y recibió un encargu pa reestructurar el Salón de Cientu del Ayuntamientu de Barcelona, qu'a la fin nun se llevó a cabu. Nos primeros años 1890 recibió dos encargos fuera de Cataluña: el del Palaciu Episcopal d'Astorga y el de la Casa Botinos en Llión. Asina, la fama y el prestíu del arquiteutu reusense diba estendiéndose per toa España. En 1891 viaxó a Málaga y Tánger pa esaminar el terrén d'un proyeutu pa unes Misiones Católiques Franciscanes, que-y encargara'l 2u marqués de Comillas;[23] el proyeutu nun se fexo, pero les torres proyeutaes pa les Misiones sirviéron-y a Gaudí como modelu pa les torres de la Sagrada Familia.

En 1899 fíxose sociu del Círculu Artísticu de Sant Lluc, sociedá artística de corte católica fundada en 1893 pol obispu Josep Torras i Bages y los hermanos Josep y Joan Llimona. Tamién afilióse a la Lliga Espiritual de la Mare de Déu de Montserrat, entidá catalanista igualmente de signu católicu.[24] Espéyase asina'l calter conservador y relixosu del so pensamientu políticu, venceyáu a la defensa de la identidá cultural del pueblu catalán. Magar l'aparente contradicción ente los ideales utópicos de la so mocedá y la so posterior adscripción a posiciones más conservadores, la evolución puede resultar natural si tenemos en cuenta la fonda espiritualidá del arquiteutu; en pallabres de Cèsar Martinell, “sostituyó la filantropía llaicista pola caridá cristiana”.[25]

El principiu de sieglu atopó a Gaudí embarcáu en numberosos proyeutos, nos que s'evidenciaba'l cambéu del so estilu, cada vuelta más personal ya inspiráu na naturaleza. En 1900 recibió'l premiu al meyor edificiu del añu pola Casa Calvet, otorgáu pol Conceyu de Barcelona. Mientres la primer década del sieglu ocúpase de proyeutos como la Casa Figueres, más conocida como Bellesguard, el Parque Güell, proyeutu d'urbanización que nun tuvo ésitu, y la restauración de la Catedral de Santa María de Palma de Mallorca, pa la que realizó dellos viaxes a la islla. Ente 1904 y 1910 constrúi la Casa Batlló y la Casa Milà, dos de les sos obres más emblemátiques.

San Felipe Neri na consagración de la Santa Misa, de Joan Llimona (ilesia de San Felipe Neri). La fisonomía de San Felipe Neri correspuende a Gaudí.

La fama de Gaudí diba n'aumentu, provocando por casu qu'en 1902 el pintor Joan Llimona escoyera la fisonomía de Gaudí pa representar a San Felipe Neri nes pintures del cruceru de la ilesia de San Felipe Neri de Barcelona.[26] Esi añu funda con Joan Santaló, fíu del so amigu'l doctor Pere Santaló, una sociedá dedicada al forxáu de fierro, que fracasó.[27]

Dende'l so treslláu a Barcelona, Gaudí camudara de cutiu de casa: na so dómina d'estudiante vivió de pensión, xeneralmente na zona del Barriu Góticu; al empecipiar la so carrera, pasó a diversos pisos d'arriendu na zona del Eixample. A lo último en 1906 instálase nuna casa de propiedá, nel Parque Güell, construyida pol so ayudante Francesc Berenguer como casa d'amuesa de la urbanización; anguaño ye la Casa-Muséu Gaudí. Equí vivió con so padre (fináu en 1906 a los 93 años) y la so sobrina, Rosa Egea Gaudí (finada en 1912 a los 36 años). Vivió nesta casa hasta 1925, pocos meses primero de la so muerte, morando esti últimu tiempu nel taller de la Sagrada Familia.

Unu de los socesos que marcaron fondamente a Gaudí fueron los acontecimientos de la Selmana Tráxica de 1909; Gaudí permaneció esi tiempu recluyíu na so casa del Parque Güell, pero debíu al ambiente anticlerical y a los atentaos escontra ilesies y conventos tarreció pola integridá de la Sagrada Familia –qu'afortunadamente nun sufrió daños–.[28]

En 1910 celébrase nel Grand Palais de París una esposición dedicada a Gaudí, dientro del salón añal de la Société deas Beaux-Arts de Francia. Gaudí participó a instancies del conde Güell, allegando con una serie de semeyes, planos y maquetes en yelsu de delles de les sos obres. Anque participó fuera de concursu, recibió bien de bones crítiques per parte de la prensa francesa. Bona parte d'esta esposición pudo vese al otru añu nel I Salón Nacional d'Arquiteutura celebráu nel Pabellón Municipal d'Esposiciones del Bon Retiru de Madrid.[29]

Semeya oficial de Gaudí pa la esposición de París de 1910.

Mientres se celebraba la Esposición de París, en mayu de 1910, Gaudí pasó una estancia de reposu en Vich, onde diseñó dos faroles de basaltu y fierro forxáu pa la Plaza Mayor de Vic, con ocasión del centenariu de Jaume Balmes. Al añu siguiente tamién se vio obligáu a pasar una temporada en Puigcerdà, por mor d'unes fiebres de Malta; nesi periodu de descansu concibió la fachada de la Pasión de la Sagrada Familia.[30] Por cuenta de la so gravedá, el 9 de xunu redautó un testamentu énte'l notariu Ramon Cantó i Figueres;[31] por fortuna, pudo reponese dafechu.

Los años 1910 fueron duros pa Gaudí, que sufrió delles desgracies: en 1912 morrió la so sobrina Rosa; en 1914 finó'l so principal collaborador, Francesc Berenguer; en 1915 una grave crisis económica casi paraliza les obres de la Sagrada Familia; en 1916 morrió'l so amigu Josep Torras i Bages, obispu de Vic; en 1917 atáyense les obres de la Colonia Güell; en 1918 finó'l so amigu y mecenes, Eusebi Güell.[32] Quiciabes por too ello dende 1915 dedícase por entero a la Sagrada Familia, abellugándose nel so trabayu. Gaudí confiesa a los sos collaboradores:

Cquote1.svg ”Los mios grandes amigos tán muertos; nun tengo familia, nin veceros, nin fortuna, nin nada. Asina puedo dedicame dafechu al Templu”.[33] Cquote2.svg

Gaudí enseña les obres de la Sagrada Familia al nunciu del Vaticanu, Francesco Ragonesi (1915). Naquella ocasión monseñor Ragonesi calificó a Gaudí como “el Dante de l'arquitectura”.[34]

Efeutivamente, los últimos años de la so vida dedícalo por completu a la Catedral de los probes –como ye popularmente conocida–, pa la qu'inclusive va llegar a pidir llimosna con cuenta de poder siguir coles obres. Amás d'esa dedicación, realiza poques más actividaes, cásique siempres rellacionaes cola relixón: en 1916 participó nun cursín de cantu gregorianu impartíu nel Palaciu de la Música Catalana pol monxu benedictín Gregori M. Sunyol.[35]

Gaudí vivió dedicáu por completu al so oficiu, permaneciendo solteru tola so vida. Al paecer, tan solo nuna ocasión sintióse atrayíu por una muyer, Josefa Moreu, maestra de la Cooperativa Mataronense, escontra 1884, pero nun foi correspondíu.[36] Dende entós Gaudí refúxase na so fonda relixosidá, na qu'atopaba gran aselu espiritual. De cutiu pintóse la imaxe d'un Gaudí focicón y antipáticu, de sópites contestaciones y xestos altaneros; pero la xente que lu trató más de cerca descríbilu como persona bonable y cortés, bon conxustón y fiel colos sos amigos, ente los que destacaron especialmente'l so mecenes, Eusebi Güell, y l'obispu de Vic, Josep Torras i Bages, según los escritores Joan Maragall y Jacint Verdaguer, el doctor Pere Santaló y dalgunos de los sos más fieles collaboradores, como Francesc Berenguer y Llorenç Matamala.[37]

Gaudí na procesión de Corpus Christi (11 de xunu de 1924).

L'apariencia personal de Gaudí –de traces nórdiques, pelo rubiu y güeyos azules– sufrió un radical tresformamientu col pasu del tiempu: de ser un mozu con aspeutu de “dandi” (traxes caros, pelo y barba bien iguaos, gustos de gourmet, frecuente asistencia al teatru y a la ópera, inclusive visitaba les obres montáu na so xarré), pasó na so vieyera a la más estricta cenciellez, comiendo con austeridá, vistiendo traxes vieyos y gastaos, con un aspeutu desdexáu, tanto que dacuando tomábenlu por méndigu, como por desgracia pasó nel momentu del accidente que-y provocó la muerte.[38]

Gaudí nun dexó práuticamente escritos, amás d'informes téunicos de les sos obres riquíos por instancies oficiales, delles cartes a amigos (principalmente a Joan Maragall) y dalgún artículu periodísticu. Caltiénense delles frases de so recoyíes por dalgunos de los sos ayudantes y discípulos, principalmente Josep Francesc Ràfols, Joan Bergós, Cèsar Martinell y Isidre Puig i Boada. L'únicu escritu dexáu por Gaudí ye'l conocíu como Manuscritu de Reus (1873-1878), una especie de diariu d'estudiante onde recoyía diverses impresiones sobro arquiteutura y decoración, esponiendo les sos idees al respective; destaquen los analises que fixo sobre'l templu cristianu y la casa solariega, según un testu sobre ornamentación y una memoria pa una mesa-escritoriu.[39]

Gaudí reconocióse siempres partidariu del catalanismu, anque nunca quixo venceyase cola política –dellos políticos como Francesc Cambó o Enric Prat de la Riba propunxéron-y presentase a diputáu, pero él refugó la ufierta–. Inda asina, tuvo diverses engarradielles cola policía: en 1920 foi cutíu pola mesma nuna balasma formada na celebración de los Xuegos Florales;[40] el 11 de setiembre de 1924, Día Nacional de Cataluña, mientres una manifestación en contra de la prohibición del usu del catalán per parte de la dictadura de Primo de Rivera, foi arrestáu pola Guardia Civil, pasando una curtia estancia nel cuartón, del que salió con una fianza de 50 pesetes.[41]

Muerte[editar | editar la fonte]

Funeral de Gaudí (12 de xunu de 1926).

El 7 de xunu de 1926 Gaudí diríxese a la ilesia de San Felipe Neri, que visitaba a diariu pa rezar y entrevistase col so confesor, mosén Agustí Mas i Folch; pero al pasar pela Gran Vía de les Cortes Catalanes, ente les cais Girona y Bailén, foi pilláu por un tranvía,[42] que lu dexó ensin sentíu.[43] Siendo tomáu por un méndigu, al dir indocumentáu y por causa del so aspeutu desdexáu, con ropes gastaes y vieyes, nun foi socorríu nel momentu, hasta qu'un guardia civil paró un taxi que lu condució al Hospital de la Santa Cruz.[44] Al otru día reconózlu'l capellán de la Sagrada Familia, mosén Gil Parés, pero yá yera tarde pa facer nada por él. Morrió'l día 10 de xunu de 1926, a los 73 años d'edá, na plenitú de la so carrera. Foi soterráu'l 12 de xunu, con presencia de grandes ensames que quixeron da-y l'últimu adiós, na capiya de La nuesa Señora del Carme de la cripta de la Sagrada Familia. Na so llábana figura la siguiente inscripción:

Cquote1.svg Antonius Gaudí Cornet. Reusensis. Annos natus LXXIV, vitae exemplaris vir, eximiusque artifex, mirabilis operis hujus, templi auctor, pie obiit Barcinone dit X Junii MCMXXVI, hinc cineres tanti hominis, resurrectionem mortuorum expectant. R.I.P.[45] Cquote2.svg

Repercusión de la obra de Gaudí[editar | editar la fonte]

Bustu de Gaudí, de Josep Maria Subirachs.
Bustu de Gaudí, de Joan Matamala.

Tres la so muerte Gaudí cayó nun relativu escaezu, y la so obra foi desfamada pola crítica internacional por barroca y descomanadamente falambaldre. Na so tierra natal foi igualmente fechu de menos pola nuevu corriente que sostituyó al modernismu, el novecentismu, estilu que retornaba a los cánones clásicos. En 1936, mientres la Guerra Civil Española, foi asaltáu'l taller de Gaudí na Sagrada Familia, destruyéndose gran cantidá de documentos, planos y maquetes del arquiteutu modernista.

La so figura empezó a ser reivindicada nos años 1950, por Salvador Dalí de primeres, siguíu del arquiteutu Josep Lluís Sert. En 1956 entamóse una retrospectiva sobre Gaudí nel Salón del Tinell de Barcelona, y en 1957 la so primer gran esposición internacional, nel MOMA de Nueva York. Coles mesmes, ente los años 1950 y 1960, los estudios de críticos internacionales como George Collins, Nikolaus Pevsner y Roberto Pane dieron gran espardimientu a la obra de Gaudí, ente que na so tierra natal yera reivindicáu por Alexandre Cirici, Juan Eduardo Cirlot y Oriol Bohigas. Tamién ye de remarcar el gran ésitu llográu por Gaudí en Xapón, onde la so obra ye bien almirada, destacando los estudios realizaos por Kenji Imai y Tokutoshi Torii. Dende entós la valoración de Gaudí foi n'aumentu, procesu que se reflexó na catalogación en 1969 de 17 obres de Gaudí como Bien d'Interés Cultural per parte del Ministeriu de Cultura español (RD 1794/1969), siendo'l primer artista «contemporaneu» n'algamar esta distinción, pos hasta entós les normes dictaben que namái podíen tener esta catalogación les obres con un sieglu o más d'antigüedá.[46] Igualmente, en 1984 delles obres del arquiteutu fueron declaraes como Patrimoniu de la Humanidá de la Unesco.[47]

En 1952, centenariu de la nacencia del arquiteutu, fundóse l'Asociación d'Amigos de Gaudí, pa sopelexar y caltener el legáu dexáu pol artífiz catalán. En 1956 creóse la Real Cátedra Gaudí, perteneciente a la Universidá Politéunica de Cataluña, col oxetu igualmente d'afondar nel estudiu de la obra gaudiniana y participar nel so caltenimientu; en 1987 el rei Xuan Carlos I concedió-y el títulu de Real Cátedra Gaudí. En 1976, con motivu del 50 aniversariu de la so muerte, el Ministeriu d'Asuntos Esteriores entamó una esposición sobro Gaudí que percorrió tol mundu.[48]

Con motivu del 150 aniversariu de la nacencia de Gaudí celebróse l'añu 2002 l'Añu Internacional Gaudí, con bayura d'actos oficiales, conciertos, espeutáculos, conferencies, publicaciones, etc. Ente otros eventos, el 24 de setiembre d'esi añu estrénase nel Palaciu de los Deportes de Barcelona'l musical Gaudí, sobre la vida y obra del arquiteutu reusense, obra de Jordi Galceran, Esteve Miralles y Albert Guinovart.[49] L'añu 2008 instituyéronse nel so honor los Premios Gaudí, otorgaos pola Academia del Cine Catalán, que reconocen les meyores producciones cinematográfiques catalanes del añu.[50]

Home de fonda relixosidá y de vida ascéticu, propúnxose la beatificación d'Antoni Gaudí, procesu empecipiáu en 1998 pol arzobispu de Barcelona, Ricard Maria Carles. L'añu 2000 foi autorizáu l'entamu del procesu per parte del Vaticanu col decretu nihil obstat, pol cual Gaudí pasa a ser consideráu siervu de Dios, el primer pasu pa la beatificación.[51]

Gaudí y el catalanismu[editar | editar la fonte]

Escudu de Cataluña a la entrada del Palaciu Güell
Escudu coles cuatro barres na entrada del Parque Güell

Na so adolescencia Antoni Gaudí, foi mui frecuente la manifestación de la catalanidá, ente munches maneres, col escursionismu y cola recuperación del patrimoniu artísticu. Xunto colos sos compañeros d'institutu Eduard Toda y Josep Ribera, nunes vacaciones d'estivu, con ente 15 y 17 años, decidieron facer un proyeutu de restauración del monesteriu de Poblet, que taba en ruines, de lo que se conserva un dibuxu fechu por Gaudí y una memoria polos sos compañeros.[52] Caún tenía una misión na reconstrucción: Gaudí no principal de la obra, construyir muries y teyaos, Toda fadría l'inventariu de la biblioteca y Ribera investigaría la historia de Poblet, sicasí van llegar a pensar la manera de conseguir ayudes económiques, creando una tienda d'alcordances onde se podría vender el llibru que s'editaría sobre'l monesteriu, fechu por Ribera. Aquel setiembre los tres amigos separaríense y Eduard Toda i Güell editaría Poblet. Datos y apuntes, nel añu 1870.[53]

Foi sociu de l'Asociación Catalanista d'Escursiones Científiques, ente 1879 y 1889, y collaboró cola Asociación d'Escursiones Catalana que se va fusionar depués cola anterior pa formar el Centru Escursionista de Cataluña. Gaudí fizo delles escursiones, ente elles a Granollers onde va redautar un informe pa la restauración de la ilesia de Sant Esteve, pertenecía tamién a esta asociación dende 1880, el so amigu Eusebi Güell. Otra escursión cola asociación fízose en 1883 a Banyuls de la Marenda, a Perpinyà y a Elna, onde fotografió con Verdaguer y Guimerà y que s'espublizó na Ilustració Catalana.[54]

Los símbolos de la Bandera de Cataluña apaecen en munches de les sos obres:

  • Nel Palaciu Güell sobre la parte central del pisu baxu ente les dos puertes d'entrada pue vese l'escudu de Cataluña encargáu por Gaudí a Joan Oñós fechu con una midida de dos metros d'altor, de fierro forxao, con formes helicoidales.[55]
  • Na puerta d'entrada de Bellesguard, l'escudu de piedra coles cuatro barres con dos dates: 1409 del casoriu de Martí I l'Humà con Margarida de Prades y la segunda data de 1909 l'acabu de les obres de Bellesguard.
  • Na columna de la torre de Bellesguard, fórmase la señera de Cataluña con franxes helicoidales.
  • Na escalera del Parque Güell apaez l'escudu na entrada xunto cola cabeza d'una serpiente.
  • Nel Primer Misteriu de Gloria del Rosariu Monumental de Montserrat alcuéntrase un escudu fechu cola téunica del trencadís.

Según dalgunos autors Gaudí sofitó l'independentismu catalán,[56], sicasí, la mayoría de los autores decántense a pensar qu'apoyara namái'l movimientu catalanista. D'esta miente, sofitaba a la Lliga Regionalista y, como tenemos visto, incorporó elementos de la cultura catalana nes sos obres. Asina, el 11 de setiembre de 1924 les autoridaes españoles (gobernando'l dictador Primo de Rivera) zarraron les ilesies de Barcelona pa torgar la celebración de la Diada, Gaudí, per otru llau, acudió a la Ilesia de Sants Just i Pastor y foi arrestáu por negase a responder en castellanu a la policia.[57]

Estilu[editar | editar la fonte]

Gaudí y el modernismu[editar | editar la fonte]

La cruz de cuatro brazos, unu de los elementos más típicamente gaudinianos.

La trayeutoria profesional del arquiteutu tuvo una evolución sui generis, por cuenta de la so constante investigación nel campu de la estructura mecánica de les obres. Nos sos entamos, Gaudí recibió cierta influyencia del arte oriental (India, Persia, Xapón), al traviés del estudiu de los teóricos de l'arquiteutura historicista, Walter Pater, John Ruskin y William Morris. Vemos esta corriente orientalizante n'obres como'l Caprichu de Comillas, el Palaciu Güell, los Pabellones Güell o la Casa Vicens. Más llueu, sigue la corriente neogótica de moda nel momentu, siguiendo los dictames del arquiteutu francés Viollet-le-Duc. Puede percibise nel Colexu de les Teresianes, el Palaciu Episcopal d'Astorga, la Casa Botines y la Casa Bellesguard, amás de na cripta y l'ábside de la Sagrada Familia. Finalmente, desagua na so etapa más personal, con un estilu naturalista, individual, orgánicu, inspiráu na naturaleza, nel que va realizar les sos obres maestres.

Mientres la so dómina d'estudiante Gaudí pudo contemplar una coleición de fotografíes que la Escuela d'Arquiteutura tenía sobre Exiptu, la India, l'arte persa, maya, chinu y xaponés, según los monumentos islámicos españoles, que-y dexaron una fonda buelga, sirviéndo-y d'inspiración pa munches de les sos obres. Tamién estudió con detenimientu'l llibru Plans, elevations, sections and details of the Alhambra, d'Owen Jones, perteneciente a la biblioteca de la Escuela.[58] De los artes nazarí y mudéxar tomó múltiples soluciones estructurales y ornamentales qu'aplicó con ciertes variantes y llibertá estilística a les sos obres. Un aspeutu a destacar que Gaudí toma del arte islámicu ye la indefinición espacial, la conceición del espaciu ensin llendes estructuraes; espaciu qu'adquier un sentíu secuencial, estazáu, al traviés de pequeños tabiques o buecos diáfanos, que creen separación ensin suponer barreres compautes que delimiten un espaciu uniformemente zarráu.[59]

Pero ensin dulda l'estilu que más-y influyó foi l'arte góticu, qu'a finales del sieglu XIX vivía una gran renacencia debida sobremanera a la obra teórica y restauradora de Viollet-Le-Duc. L'arquiteutu francés defendía estudiar los estilos del pasáu y afaelos al presente d'una forma racional, atendiendo mesmo a la razón estructural qu'a la ornamental.[60] Sicasí, pa Gaudí'l góticu yera “imperfeutu”, porque magar la eficacia de delles de les sos soluciones estructurales yera un arte qu'había que “perfeicionar”. Nes sos propies palabres:

Cquote1.svg ”L'arte góticu ye imperfeutu, ta a mediu resolver; ye l'estilu del compás, de la fórmula de la repetición industrial. La so estabilidá básase na apuntaladura permanente de los contrafuertes: ye un cuerpu defectuosu que s'aguanta con muletes. (...) Prueba que les obres gótiques son d'una plástica deficiente ye que producen la máxima emoción cuando tán tullíes, cubiertes d'hedra y allumaes pola lluna.[61] Cquote2.svg

El dragón del Parque Güell, que se convirtió nun emblema de la obra de Gaudí.

Dempués d'estes influyencies iniciales, Gaudí desagua nel modernismu na so dómina de mayor rellumanza, nos años asitiaos ente los sieglu XIX y XX. Nos sos entamos, el modernismu atopa la inspiración na arquitectura historicista, yá que pa los artistes modernistes la vuelta al pasáu supon una reaición contra les formes industriales impuestes polos nuevos adelantos teunolóxicos producíos cola Revolución industrial. L'usu de los estilos del pasáu supon una rexeneración moral que dexa a la nueva clase dirixente, la burguesía, identifícase con unos valores que reconocen como los sos raigaños culturales. Coles mesmes, el resurdir de la cultura catalana dende mediaos del sieglu XIX (la Renaixença), lleva a adoptar les formes gótiques como estilu “nacional” de Cataluña, cola pretensión de conxugar nacionalismu y cosmopolismu, d'integrase na corriente modernizadora europea.[62]

Delles traces esenciales del modernismu van ser: un llinguaxe anticlásicu heriede del romanticismu, con enclín a un ciertu llirismu y suxetivismu; vinculación decidida de l'arquiteutura coles artes aplicaes y los oficios artísticos, creando un estilu remarcadamente ornamental; usu de nuevos materiales, creando un llinguaxe constructivu mestu y ricu en contrastes, buscando l'efeutu plásticu del conxuntu; fuerte sentimientu d'optimismu y fe nel progresu, que produz un arte aponderáu y enfáticu, reflexu del clima de prosperidá del momentu, sobremanera na clase burguesa.[63]

Cquote1.svg L'arquiteutura de Gaudí nun cabe dientro del modernismu, ente que tol modernismu cabe perfeutamente dientro de la obra de Gaudí. Joan Bassegoda.[64]Cquote2.svg

A la gueta d'un llinguaxe arquiteutónicu nuevu[editar | editar la fonte]

Bóveda d'hiperboloide de la Sagrada Familia.

Gaudí suel ser consideráu'l gran maestru del modernismu catalán, pero la so obra va más allá de cualquier estilu o intentu de clasificación. Ye una obra personal ya imaxinativa qu'atopa la so principal inspiración na naturaleza. Gaudí estudió con fondura les formes orgániques y anárquicamente xeométriques de la naturaleza, buscando un llinguaxe pa poder afigurar eses formes na arquiteutura. Dalgunes de les sos mayores inspiraciones van venir del monte de Montserrat, les cueves de Mallorca, la Cueva del Salnitre (Collbató), los riscos de Fra Guerau na sierra de Prades cerca de Reus, el monte de Pareis al norte de Mallorca o Sant Miquel del Fai en Bigas, toos ellos llugares visitaos por Gaudí.[65]

Esti estudiu de la naturaleza tradúzse nel emplegu de formes xeométriques reglaes como son el paraboloide hiperbólicu, l'hiperboloide, l'helicoide y el conoide, que reflexen esautamente les formes que Gaudí alcuentra na naturaleza.[66] Les superficies reglaes son formes xeneraes por una recta, denomada xeneratriz, al movese sobro una llinia o delles, denomaes direutrices. Gaudí afayóles abondo na naturaleza, como por casu en xuncos, cañes o güesos; dicía que nun esiste meyor estructura qu'un tueru d'árbol o un esqueletu humana. Estes formes son al empar funcionales y estétiques, y Gaudí emplégales con gran sabiduría, sabiendo afaer el llinguaxe de la naturaleza a les formes estructurales de l'arquiteutura. Gaudí asimilaba la forma helicoidal al movimientu, y la hiperboloidal a la lluz. Dicía lo siguiente sobre les superficies reglaes:

Cquote1.svg ”Los paraboloides, hiperboloides y helicoides, variando davezu la incidencia de la lluz, tienen una riqueza propia de matices, que faen innecesaria la ornamentación y hasta'l modelaxe”.[67] Cquote2.svg

Otru de los elementos emplegaos bayurosamente por Gaudí ye la curva catenaria. Gaudí estudiara en fondura la xeometría cuando yera mozu, lleendo numberosos trataos sobre inxeniería qu'allababen les virtúes del usu de la curva catenaria como elementu mecánicu, que sicasí entós namái s'usaba na construcción de pontes suspendíes; Gaudí foi'l primeru n'utilizar esti elementu na arquiteutura común. L'usu d'arcos catenarios n'obres como la Casa Milà, el Colexu de les Teresianes, la cripta de la Colonia Güell o la Sagrada Familia dexa a Gaudí dotar a les sos estructures d'un elementu de gran resistencia, una y bones la catenaria distribúi regularmente'l pesu que soporta, sufriendo namái fuerces tanxenciales que s'anulen ente elles.[68]

Con toos estos elementos, Gaudí pasó de la xeometría plana a la espacial, la xeometría reglada. Amás, estes formes constructives aveníense perbién a un tipu de construcción cenciella y de materiales baratos, como'l lladriyu: Gaudí utilizó con avezamientu'l lladriyu xuníu con argamasa, en capes superpuestes, como na tradicional bóveda catalana tabicada.[69] Esta busca de nueves soluciones estructurales tuvo la so cume ente los años 1910 y 1920, cuando esperimentó de forma práutica toles sos investigaciones na so obra cimera: la Sagrada Familia. Gaudí concibió dichu templu como si fuera la estructura d'un monte, con un conxuntu de columnes arborescentes estremaes en diverses cañes pa sofitar una estructura de bóvedes d'hiperboloides enxareyaos. Les columnes enclínense pa recibir meyor les presiones perpendiculares a la so seición; amás, dio-yos forma helicoidal de doble xiru (destróxiru y levóxiru), como nes cañes y tueros de los árboles. Esta ramificación crea una estructura güei denominada fractal[70] que, xunto cola modulación del espaciu, que lo subdivide en pequenos módulos independientes y autosustentantes, crea una estructura que soporta perfeutamente los esfuerzos mecánicos de traición ensin la necesidá d'emplegar contrafuertes, como riquía l'estilu góticu.[71] Gaudí llogró asina una igua racional y estructurada, perfeutamente lóxica y afecha a la naturaleza, creando coles mesmes un estilu arquiteutónicu nuevu, orixinal y cenciellu, práuticu y estéticu.

Columnes helicoidales de la Sagrada Familia.

Esta téunica constructiva nueva dexa a Gaudí enfotase arquiteutónicamente en perfeicionar y perpasar l'estilu góticu: les bóvedes d'hiperboloides tienen el so centru onde les gótiques teníen la clave, cola salvedá de que l'hiperboloide dexa crear un güecu nesi espaciu, un vacíu que dexa'l pasu de la lluz natural. Coles mesmes, na interseición ente les bóvedes, onde les gótiques teníen los nervios, l'hiperboloide dexa nuevamente l'apertura de pequeños baldíos, que Gaudí aprovecha pa dar la sensación d'un cielu estrelláu.[72]

Esta visión orgánica de l'arquiteutura compleméntase en Gaudí con una singular visión espacial que-y dexaba concebir los sos diseños arquiteutónicos de forma tridimensional, contrariamente a la bidimensionalidá del diseñu en planu de l'arquiteutura tradicional. Gaudí dicía qu'adquiriera esti sentíu espacial de neñu, viendo los diseños que facía so padre pa les calderes y alambiques que fabricaba.[73] Por cuenta d'esta conceición espacial Gaudí siempres quixo más trabayar sobre moldes y maquetes, o inclusive dir improvisando sobre'l terrén a midida que la obra avanzaba; ronciegu a dibuxar planos, en rares ocasiones ellaboró croquis de les sos obres, tan solo cuando-y lo riquiríen instancies oficiales.

Maqueta polifunicular pa la ilesia de la Colonia Güell, Muséu de la Sagrada Familia.

Una de los sos munchos anovamientos nel terrén téunicu foi l'usu d'una maqueta pal cálculu d'estructures: pa la ilesia de la Colonia Güell construyó nun tendeyón al pie de les obres una maqueta a gran escala (1:10), de cuatro metros d'altor, onde instaló un montaxe iguáu con unos cordeles de los qu'escolgaben fardelinos rellenos de perdigones. Nun tableru de madera afitáu nel techu dibuxó la planta de la ilesia, y de los puntos sustentantes del edificiu –columnes, interseición de parés– encolingó los cordeles (pa los funiculares) colos sacos de perdigones (pa les cargues), qu'asina suspendíos daben la curva catenaria resultante, tanto n'arcos como en bóvedes. D'equí sacaba una fotografía, qu'una vegada invertida daba la estructura de columnes y arcos que Gaudí taba buscando. Sobro estes fotografíes Gaudí pintaba, con gouache o pastel, la contorna yá definida de la ilesia, remarcando hasta l'últimu detalle del edificiu, tanto arquiteutónicu como estilísticu y decorativu.[74]

La posición de Gaudí dientro de la Hestoria de l'Arquiteutura supon la d'un gran xeniu creador que, inspirándose na naturaleza, creó un estilu propiu, de gran perfeición téunica al empar qu'un cuidáu valor estéticu, marcáu pol sellu de la so fuerte personalidá. Les sos innovaciones estructurales, que suponen en cierta midida la superación de los estilos anteriores, dende'l dóricu hasta'l barrocu, pasando pel góticu, principal fonte d'inspiración del arquiteutu, podría considerase que representen la culminación de los estilos clásicos, que Gaudí reinterpreta y perfeiciona. Asina Gaudí supera l'historicismu y eclecticismu de la so xeneración, pero ensin llegar a coneutar con otres corrientes de l'arquitectura del sieglu XX, que colos sos postulaos racionalistes derivaos de la Escuela de la Bauhaus va suponer una evolución antitética a la empecipiada por Gaudí, fechu que va marcar la incomprensión inicial escontra la obra del arquiteutu modernista.

Otru de los factores de la escayencia oficial de la figura catalana ye que, masque cuntó na execución de les sos obres con numberosos ayudantes y discípulos, Gaudí nun creó una escuela propia, yá que nunca se dedicó a la docencia nin dexó práuticamente escritos. Dalgún de los sos collaboradores siguieron les sos buelgues de cerca, sobremanera Francesc Berenguer y Josep Maria Jujol; otros, como Cèsar Martinell, Francesc Folguera y Josep Francesc Ràfols evolucionaron escontra'l novecentismu, estremándose del niciu del maestru.[75] Magar ello, cierta influyencia del creador de la Sagrada Familia pue percibise en dellos arquiteutos modernistes –o que partieron del modernismu– que nun tuvieron un contautu direutu con Gaudí, como Josep Maria Periques (Casa Alòs, Ripoll), Bernardí Martorell (Campusantu d'Olius ) o Lluís Muncunill (Masía Freixa, Tarrasa).

Sicasí, Gaudí dexó una fonda buelga na arquiteutura del sieglu XX: arquiteutos como Le Corbusier declaráronse almiradores de la obra del arquiteutu catalán, y otros como Pier Luigi Nervi, Friedensreich Hundertwasser, Oscar Niemeyer, Félix Candela, Eduardo Torroja o Santiago Calatrava son hasta güei día debedores del estilu empecipiáu por Gaudí. Frei Otto emplegó formes gaudinianes nel Estadiu Olímpicu de Múnich. En Xapón, la obra de Kenji Imai ye d'una evidente influyencia gaudiniana, como puede apreciase nel Memorial a los 26 mártires de Xapón en Nagasaki (Premiu Nacional d'Arquiteutura de Xapón en 1962), onde destaca l'usu del famosu "trencadís" del arquiteutu reusense.[76] Per otru llau, el llabor docente ya investigador lleváu a cabu polos críticos d'arte dende l'añu 1950 asitió al artista nun merecíu llugar de relevancia dientro de l'arquiteutura del sieglu XX.

Cquote1.svg ”L'arquiteutura ye'l primer arte plásticu; la escultura y la pintura precisen de la primera. Tola so escelencia vien de la lluz. L'arquiteutura ye la ordenación de la lluz”. —Antoni Gaudí.[77]Cquote2.svg

Diseñu y artesanía[editar | editar la fonte]

Rexa d'entrada a los Pabellones Güell.

Na so etapa d'estudiante, Gaudí frecuentó dellos talleres artesanales, como los d'Eudald Puntí, Llorenç Matamala y Joan Oñós, onde aprendió los aspeutos básicos de tolos oficios rellacionaos cola arquiteutura, como la escultura, la carpintería, la forxa, la vidriería, la cerámica, el moldiáu en yelsu, etc.[78] Coles mesmes, supo asimilar les nueves meyores teunolóxiques, incorporando a la so téunica la construcción en fierro o en formigón armáu. Too ello debío a la visión global que Gaudí tenía de l'arquiteutura como obra de diseñu multifuncional, na qu'había d'ellaborase hasta'l más mínimu detalle nun conxuntu compenetráu, proporcionáu. Estes conocencies dexáron-y non yá dedicase a los sos proyeutos arquiteutónicos, sinón diseñar igualmente tolos elementos de les obres que creaba, dende'l moblame hasta'l llume o los acabaos en forxa de fierro.

Gaudí tamién foi un anovador nel terrén de los oficios artesanales, escurriendo nueves soluciones téuniques o decoratives colos materiales qu'utilizaba, como por casu la so forma de diseñar aplacaos en cerámica fecha con pieces de refugaya (“trencadís”), en combinaciones orixinales y fantasioses. Pa la restauración de la Catedral de Mallorca creó una nueva téunica de facer vidreres, consistente en yustaponer tres vidros de los colores primarios –y dacuando unu neutru–, variando'l gruesu del cristal pa poder graduar la intensidá de la lluz.[79]

Dedicatoria de Gaudí al Orfeó Català (1922). Diseñu de Gaudí, dibuxu de Francesc Quintana y coloriáu de Josep Maria Jujol.

Coles mesmes, diseñó personalmente munches de les escultures de la Sagrada Familia, aplicando un interesáu métodu de trabayu escurríu por él: en primer llugar facía un fondu estudiu anatómicu de la figura, centrándose nes articulaciones –pa lo qu'estudió en tientes la estructura de la cadarma humana–; dacuando sirvíase de moñecos iguaos con alambre pa probar la postura afayadiza de la figura a esculpir. De segundes, realizaba fotografíes de los modelos, utilizando un sistema de espeyos qu'apurríen múltiples perspeutives. De siguío, facía moldes en yelsu de les figures, tanto de persones como d'animales. Sobro estos moldes modificaba les proporciones pa consiguir una perfeuta visión de la figura dependiendo del so allugamientu nel templu (más grandes cuanto más elevaes). A lo último, esculpíase en piedra.[80]

Amás d'arquiteutu, Gaudí foi urbanista y paisaxista, procurando siempres allugar les sos obres nel ambiente más afayadizu, tanto natural como arquiteutónicu. Realizaba un fondu estudiu del allugamientu de les sos construcciones, que procuraba que s'integraren d'una manera natural nel paisaxe circundante, llegando a utilizar en numberoses ocasiones el material más común na so redolada, como la piedra pizarrosa en Bellesguard o'l granitu gris del Bierzo nel Palaciu Episcopal d'Astorga. Munchos de los sos proyeutos incluyíen xardinos, como la Casa Vicens o los Pabellones Güell, o inclusive yeren totalmente axardinaos, como'l Parque Güell o los Xardinos de Can Artigas. Un exemplu perfeutu d'integración na naturaleza foi'l Primer Misteriu de Gloria del Rosariu Monumental de Montserrat, onde'l marcu arquiteutónicu ye la mesma naturaleza –nesti casu la roca de Montserrat–, que da cabida al grupu escultóricu que decora'l camín a la Santa Cueva.

Interior de la Casa Vicens.

Igualmente, Gaudí destacó como interiorista, encargándose personalmente de la decoración de la mayoría de los sos edificios, dende'l diseñu del moblame hasta los detalles más mínimos. En cada casu supo aplicar particularidaes estilístiques, personalizando la decoración según el gustu del dueñu, l'estilu predominante del conxuntu o'l so allugamientu na redolada, yá fuera urbanu o natural, o dependiendo de la so tipoloxía, llaica o relixosa –bona parte de la so producción tuvo amestada al moblame llitúrxicu–. Asina, dende'l diseñu d'un pupitre pal so propiu despachu al empiezu de la so carrera, pasando pol moblame diseñáu pal Palaciu de Sobrellano de Comillas, realizó tol moblame de les cases Vicens, Calvet, Batlló y Milà, del Palaciu Güell y de la Torre Bellesguard, pa desaguar nel moblame llitúrxicu de la Sagrada Familia. Ye de remarcar que Gaudí efectuó estudios d'ergonomía p'afaer el so moblame a l'anatomía humana de la forma más óptima posible. Bona parte del moblame que diseñó espónse anguaño na Casa-Muséu Gaudí del Parque Güell.[81]

Otru aspeutu a destacar ye la intelixente distribución del espaciu, pensáu pa crear un ambiente de confort ya intimidá nel interior de tolos sos edificios. Pa ello estrema l'espaciu en distintes seiciones o ambientes afechos al so usu específicu, per aciu del emplegu de tabiques, falsos techos, puertes corredices, vidreres o armarios de paré. Amás de curiar hasta l'últimu detalle tolos elementos estructurales y ornamentales, cuidaba que les sos construcciones tuvieren una perfeuta llume y ventilación, pa lo qu'estudiaba con detalle la orientación del edificiu al respective de los puntos cardinales, según la climatoloxía de la zona y el so encaxe na redolada natural circundante. Naquella dómina empezaba la demanda d'un mayor confort domésticu, cola canalización d'agua, gas y lluz llétrico, elementos que Gaudí supo incorporar de forma maxistral nes sos construcciones. Pa la Sagrada Familia, por casu, llevó a cabu fondos estudios d'acústica y llume, pa optimizales. Gaudí dicía lo siguiente al respective de la lluz:

Cquote1.svg ”La lluz qu'algama la máxima harmonía ye la que tien un enclín de 45°, pos incide nos cuerpos de mou que nun ye de forma horizontal nin vertical. Ye la que puede considerase lluz medio y da la más perfeuta visión de los cuerpos y la so matización más esquisita. Ye la lluz del Mediterraneu”.[82] Cquote2.svg

La illuminación sírve-y igualmente a Gaudí pa encadarmar l'espaciu, atendiendo de forma curiosa y estudiada la gradación de la intensidá llumínica p'afaese afechiscamente a cada ambiente específicu. Esto consíguelo con distintos elementos como bufardes, vidreres, persianes o celosíes; cabe destacar nesti sentíu la gradación cromática utilizada nel patiu de lluces de la Casa Batlló pa consiguir una distribución uniforme de la lluz en tol interior. Coles mesmes, suel empobinar les cases al sur p'aprovechar al máximu la lluz solar.[83]

Obra[editar | editar la fonte]

Maqueta de la Sagrada Familia, la obra maestra de Gaudí.

La obra de Gaudí ye de mala clasificación. Inscritu nel modernismu, pertenez ensin dulda a esta corriente pol so enfotu de renovación –ensin romper por ello cola tradición–, la busca de la modernidá, el sentíu ornamental aplicáu a la so obra y el calter multidisciplinar otorgáu a les sos realizaciones, onde tienen un papel fundamental los trabayos artesanales. A estes premises Gaudí añede ciertes dosis de barroquismu, la inclusión de los adelantos tecnolóxicos y el caltenimientu de llinguaxes arquitectónicos tradicionales, qu'al pie de la inspiración na naturaleza y el toque d'orixinalidá qu'otorga a les sos realizaciones constitúin l'axuntadura qu'apurre al conxuntu de la so obra un sellu personal y único na hestoria de l'arquitectura.

Cronolóxicamente, ye difícil establecer unes pautes que determinen de forma veraz la evolución del so estilu. Magar parte d'unos postulaos claramente historicistes pa enmarcase de llenu nel modernismu que surdía con fuerza nel postreru terciu del sieglu XIX en Cataluña y llegar por fin al resolvimientu final del so estilu personal y orgánico, esta evolución nun presenta unes etapes precises con rotures ente unes y otres, sinón qu'en toes hai reflexos de les primeres, a midida que dir asimilando y superando. Una de los meyores periodificaciones realizaes de la obra de Gaudí ye la del so discípulu y biógrafu Joan Bergós, efectuada según criterios plásticos y estructurales; Bergós establez cinco periodo na producción gaudiniana: periodu preliminar, mudéxar-moriscu, góticu evolucionáu, naturalismu espresionista y síntesis orgánica.[84]

Primeres obres profesionales[editar | editar la fonte]

Les sos primeres realizaciones, tanto mientres la so etapa d'estudiante como les primeres executaes al llograr el títulu, destaquen pola gran precisión de los detalles, l'usu de la xeometría cimera y la preponderancia de les considerancies mecániques nel cálculu d'estructures.[85]

Antoni Gaudí empecipió la so carrera profesional mientres los sos estudios universitarios, yá que pa pagalos trabayó como delliniante para dellos de los meyores arquiteutos que destacaben na Barcelona del momentu, como Joan Martorell, Josep Fontserè, Francisco de Paula del Villar y Lozano, Leandre Serrallach y Emili Sala Cortés. Con Josep Fontserè tenía Gaudí una antigua rellación, pos la so familia yera tamién orixinaria de Riudoms y conocíense de diba tiempu. Magar nun tener títulu d'arquiteutu, Fontserè recibió l'encargu del Conceyu de Barcelona de la urbanización del Parque de la Ciudadela, realizáu ente 1873 y 1882. En dichu proyeutu Gaudí encárgase del diseñu de la rexa d'entrada al parque, de la balaustrada de la placeta de la banda municipal y del proyeutu hidráulicu de la Cascada del Parque de la Ciudadela Cascada Monumental, onde proyeutó un covarón artificial que yá amuesa'l so gustu pola naturaleza y el sentíu orgánicu qu'aplica a la so arquiteutura.[86]

Pa Francisco del Villar Gaudí trabayó nel ábside del monesteriu de Montserrat, dibuxando en 1876 el Camarín de la Virxe pa la ilesia benedictina; más llueu, asocedería a Villar nes obres de la Sagrada Familia. Con Leandre Serrallach trabayó nun proyeutu de tranvía a la Villa Arcadia de Montjuïc. A lo último, con Joan Martorell collaboró na ilesia de los Xesuites de la cai Caspe y el conventu de les Saleses del Paséu de San Juan, según na ilesia de Villaricos (Almería). Igualmente, realizó pa Martorell el proyeutu pal concursu de la nueva fachada de la Catedral de Barcelona, que finalmente nun foi aprobáu. La so rellación con Martorell, al que consideró siempres como unu de los sos principales y más influyentes maestros, reportó-y un inesperáu y venturosu frutu, yá que foi Martorell quien encamentó a Gaudí pa facese cargu del proyeutu de la Sagrada Familia.

Una vegada llográu'l títulu d'arquiteutu en 1878 los sos primeros trabayos fueron unes faroles pa la Plaza Real, el proyeutu de Quioscos Girossi y el de la Cooperativa “La Obrera Mataronense”, que foi la so primer obra importante. Gaudí recibió l'encargu pa unes faroles del Conceyu de Barcelona en febreru de 1878, cuando aprobara la carrera pero entá nun s'expediera'l títulu, que s'espachó en Madrid el 15 de marzu d'esi añu.[87] Pa esti encargu proyeutó dos distintos tipos de faroles: una de seis brazos, de les que s'instalaron dos na plaza Real, y otra de trés, de la que tamién s'instalaron dos na plaza del Palaciu, frente al Gobiernu Civil. Les faroles fueron inauguraes nes fiestes de La Mercè de 1879. Feches de fierro colao, con base de mármole, tienen una decoración onde destaca'l caduceu de Mercuriu, símbolu del comerciu, según l'escudu de Barcelona.

Proyeutu de Quioscos Girossi.

El proyeutu irrealizáu de Quioscos Girossi foi un encargu del comerciante Enrique Girossi de Sanctis; consistiría en 20 quioscos repartíos per toa Barcelona, caún de los cualos incluyiría unos retretes públicos, un puestu de flores y unos paneles de cristal pa publicidá, amás de reló, calendariu, barómetru y termómetru. Gaudí concibió una estructura de pilastres de fierro y plaques de mármole y cristal, coronáu por una gran marquesina de fierro y cristal, con un sistema de llume de gas.[88]

La Cooperativa Obrera Mataronense foi'l primer proyeutu de valumbu de Gaudí, nel que trabayó de 1878 a 1882, por encargu de Salvador Pagès i Anglada. El proyeutu, pal llar social de la empresa en Mataró, constaba d'una fábrica, un barriu de cases pa los obreros, un casinu y un edificiu de servicios, de los que finalmente namái se llevaron a cabu la fábrica y l'edificiu de servicios. Na nave de la fábrica Gaudí utilizó per primer vegada l'arcu catenariu, con un sistema d'ensamblaxe con pernos escurríu por Philibert de l'Orme.[89] Tamién aplicó per primer vegada, nel edificiu de servicios, la decoración n'azulexu cerámicu. Gaudí realizó'l diseñu urbanísticu basándose na orientación solar, otra de les constantes nes sos obres, ya incluyó zones axardinaes nel proyeutu. Diseñó inclusive l'emblema de la Cooperativa, cola figura d'una abeya, símbolu de la llaboriosidá.

En mayu de 1878 diseñó Gaudí una vitrina pa la Guantería Esteban Comella, que foi espuesta nel pabellón español de la Esposición Universal de París d'esi añu.[90] Foi esta obra la qu'atraxo l'atención del empresariu Eusebi Güell, de visita na capital francesa; quedó tan impresionáu qu'a la so torna quixo conocer a Gaudí, empezando entós una llarga amistá y collaboración profesional, siendo Güell el principal mecenes de Gaudí y patrocinador de munchos de los sos grandes proyeutos.

El primer encargu que Güell realizó a Gaudí, esi mesmu añu, foi'l diseñu del moblame pa la capiella-panteón del Palaciu de Sobrellano en Comillas, que taba entós construyendo Joan Martorell, el maestru de Gaudí, por encargu del marqués de Comillas, suegru de Güell. Gaudí diseñó un sillón, un bancu y un reclinatoriu: el sillón taba forráu de terciopelu, rematáu por dos águiles col escudu del marqués; el bancu destaca pol relieve d'un dragón, proyeutáu por Llorenç Matamala; el reclinatoriu tien decoración en baxorrelieve de formes vexetales.

Farmacia Gibert.

Tamién en 1878 realizó unos planos pa un teatru na antigua llocalidá de Sant Gervasi de Cassoles (güei día un barriu de la ciudá condal); Gaudí nun intervino na posterior construcción del teatru, anguaño sumíu. Al otru añu diseñó los muebles y mostrador de la Farmacia Gibert, con marquetería d'influyencia árabe. Esi mesmu añu efectuó cinco dibuxos pa una cabalgata n'homenaxe al poeta Francesc Vicent Garcia i Torres en Vallfogona de Riucorb, llocalidá na que foi párrocu esti célebre escritor del sieglu XVII, amigu de Lope de Vega. El proyeutu de Gaudí xiraba en redol al poeta glorificáu y a distintos aspeutos del trabayu nel campu, como la siega o la recoyida de la uva y l'aceituna; sicasí, por causa de problemes organizativos del certame, la idea de Gaudí nun se llevó a cabu.[91]

Ente 1879 y 1881 realizó'l proyeutu de decoración de la ilesia de Sant Pacià, perteneciente al Colexu de Jesús-María de Sant Andreu del Palombar: realizó l'altar d'estilu góticu, la custodia d'influyencia bizantina, el mosaicu y el llume, según el moblame del colexu. Amburada la ilesia na Selmana Tráxica de 1909, na actualidá namái persiste'l mosaicu, d'“opus tesselatum”, probable obra del mosaicista italianos Luigi Pellerin.[92] Pa estes mesmes relixoses encárgase de la decoración de la ilesia del Colexu de Jesús-María de Tarragona (1880-1882): realizó l'altar en mármole blanco italiano, y la so parte frontal, o antipendiu, dispúnxolo con cuatro columnes qu'esibíen medayones d'alabastru polícromo, con figures d'ánxeles; l'ostensoriu, de madera dorao, obra d'Eudald Puntí, decoráu con rosarios, los símbolos del Tetramorfos y la palomba del Espíritu Santu; y la sillería del coru, destruyida en 1936.[93]

En 1880 fixo un proyeutu d'allumáu llétrico pa la Muria de Mar de Barcelona, que finalmente nun foi lleváu a cabu. Consistiría n'ocho grandes faroles de fierro, profusamente decoraes con motivos vexetales, frisos, escudos y nomes de batalles y d'almirantes catalanes. Esi mesmu añu participó nel concursu pa la construcción del Casinu de San Donostia, que finalmente ganaron Luis Aladrén Mendivi y Adolfo Morales de los Ríos; Gaudí presentó un proyeutu que yera síntesis de dellos estudios suyos anteriores, como'l proyeutu de fonte pa la plaza Cataluña o'l de patiu pa la Diputación Provincial.[94]

Un nuevu encargu de los Güell-López pa Comillas foi'l d'una glorieta pa la visita del rei Alfonso XII a la llocalidá cántabra en 1881. Gaudí diseñó un pequeñu templete con forma de turbante d'influyencia hindú, recubiertu de mosaicu y decoráu con un gran mapa de pequeñes campanielles que producíen una constante badayada musical. Darréu foi instaláu nos Pabellones Güell.[95]

Dibuxu de Gaudí pa la fachada de la Catedral de Barcelona según el proyeutu de Joan Martorell (1882).

En 1882 realizó pal so antiguu maestru, Joan Martorell, el proyeutu pa un monesteriu benedictín y una ilesia dedicada al Espíritu Santu en Villaricos (Cueves del Almanzora, Almería). Yera de planta neogótica, paecida al conventu de les Saleses que Gaudí proyeutó igualmente con Martorell. Finalmente nun se llevó a cabu, y los planos del proyeutu fueron destruyíos nel saquéu de la Sagrada Familia en 1936.[96] Esi mesmu añu recibió l'encargu pa construyir un pabellón de caza y unes bodegues nuna finca llamada La Corte, en Garraf (Sitges), propiedá del magnate Eusebi Güell. Finalmente'l pabellón nun se llevó a cabu, construyéndose tan solo les bodegues unos años más tarde.

Con Martorell collaboró igualmente neses feches n'otros trés proyeutos: la ilesia del Colexu de los Xesuites de la Cai Caspe, onde intervino como delliniante; el conventu de les Saleses del Paséu de San Juan, proyeutu neogóticu con altar nel centru del cruceru; y el proyeutu de fachada pa la Catedral de Barcelona, según concursu convocáu pol cabildru catedraliciu en 1882, ganáu finalmente por Josep Oriol Mestres y August Font i Carreres.[97]

La collaboración de Gaudí con Martorell foi determinante porque ésti encamentara a Gaudí pa la Sagrada Familia. El famosu templu gaudinianu foi idea de Josep Maria Bocabella, fundador de l'Asociación de Devotos de San José, pa lo qu'adquirió una mazana completa del Eixample barcelonés.[98] En principiu encargóse del proyeutu l'arquiteutu Francisco de Paula del Villar y Lozano, qu'entamó la construcción d'una ilesia d'estilu neogóticu, empecipiándose les obres en 1882. Sicasí, al otru añu Villar arrenunció por desavenencies cola xunta constructora, y l'encargu pasó a manes de Gaudí, que reformó'l proyeutu dafechu –sacantes la parte yá construyida de la cripta–.[99] Gaudí emplegaría'l restu de la so vida na construcción del templu, que va ser la síntesis de tolos sos afayos arquiteutónicos, rematando na so dómina final.

Dómina orientalista[editar | editar la fonte]

Nestos años Gaudí fai una serie d'obres de marcáu gustu oriental, inspiraes nel arte del Próximu y Alloñáu Oriente (India, Persia, Xapón), según nel arte islámicu hispánicu, principalmente'l mudéxar y nazarí. Gaudí emplega graniblemente la decoración n'azulexu cerámicu, según los arcos mitrales, carteles de lladriyu vistu y remates en forma de templete o cúpula.[100]

Ente 1883 y 1888 construyó la Casa Vicens, encargu del corredor de bolsa Manuel Vicens i Montaner. Ta estructurada en cuatro niveles o plantes, con tres fachaes y un ampliu xardín, con una fonte monumental de lladriyu formada por un arcu parabólicu enriba del cual había un pasu ente columnes. La casa zárrase con un muru de canciella con una rexa de fierro colao, decorada con fueyes de palmitu, obra de Llorenç Matamala. Les muries de la casa son de mampostería alternada con files d'azulexu, que reproduz unes flores marielles propies de la zona; la casa remata con chimenees y unes torres en forma de templetes. Nel interior destaquen los techos de vigues de madera policromada, afataos con temes florales de "papier maché"; los murios tienen esgrafiaos de motivos vexetales, amás de pintures obra de Josep Torrescasana; a lo último, el suelu ye de mosaicu romanu d'"opus tesselatum". Una de les estancies más orixinales ye'l fumaderu, onde destaca'l techu en forma de cielu rasu decoráu con mucarnes árabes, que recuerden el Xeneralife de l'Alhambra de Granada.[101]

El mesmu añu de 1883 Gaudí fixo un proyeutu de capiella del Santísimu Sacramentu pa la ilesia parroquial de San Félix d'Alella, según unos planos topográficos de la finca Can Rosell de la Llena en Gelida, y recibió l'encargu d'un hotelín anexu al Palaciu de Sobrellano, del marqués de Comillas, na homónima llocalidá cántabra. Conocíu como El Capricho, foi encargáu por Máximo Díaz de Quijano y construyíu ente 1883 y 1885. La direición de les obres corrió a cargu de Cristòfor Cascante i Colom, compañeru d'estudios de Gaudí. D'estilu oriental, tien planta allargada, con trés niveles y una torre cilíndrica en forma d'alminar persa, revistida dafechu de cerámica. L'accesu presenta cuatro columnes y arcos adintelaos, con capiteles decoraos con páxaros y fueyes de palmitu, como na Casa Vicens. El salón principal destaca por un ampliu ventanal con ventanes de guillotina, y dispon d'un fumaderu cubiertu por falses bóvedes d'estucu d'estilu árabe.[102]

Gaudí realizó un segundu encargu pa Eusebi Güell ente 1884 y 1887, los Pabellones Güell de Pedralbes. Güell tenía una finca en Les Corts de Sarrià, xunión de dos terrenos conocíos como Can Feliu y Can Cuyàs de Rir. L'arquiteutu Joan Martorell construyera un palacete d'aire caribeñu, baltáu en 1919, en que'l so llugar constrúyose'l Palaciu Real de Pedralbes. Gaudí recibió l'encargu de reformar la casa y construyir un muriu de cerca y los pabellones de portería. Realizó'l muriu de mampostería con delles puertes d'entrada, la principal con una rexa de fierro en forma de dragón, con una simboloxía alusiva al mitu d'Hércules y el Xardín de les Hespérides.[103] Los pabellones consten de caballeriza, picadoriu y portería: la caballeriza ye de base rectangular, cubierta con bóveda tabicada con forma de catenaria; el picadoriu ye de base cuadrada, con una cúpula de perfil hiperboloidal, rematada por un templete; la portería consta de trés pequeñes edificaciones, la central de planta poligonal y cúpula hiperbólica, y otres dos más pequeñes de planta cúbica. Los trés tán remataes por unos ventiladores en forma de chimenees recubiertes de cerámica. La obra ta realizada con lladriyu vistu de diverses tonalidaes ente'l colloráu y el mariellu, y recubierta de cristal de colores; en ciertes seiciones utilizó tamién bloques prefabricaos de cementu.[104] Anguaño los Pabellones son llar de la Real Cátedra Gaudí, de la Universidá Politéunica de Cataluña.

En 1885 Gaudí recibió de parte de Josep Maria Bocabella, el promotor de la Sagrada Familia, l'encargu d'un altar asitiáu nel oratoriu de la familia Bocabella, al llograr llicencia del Papa de poder tener un altar na so casa privada. L'altar ye de caoba, con barnizáu de laca, con una llosa de mármole blanco nel centru pa les reliquies. Tien decoración vexetal y dellos motivos relixosos, como les lletres griegues alfa y omega, símbolu del principiu y el fin, frases del Evanxeliu ya imáxenes de San Francisco de Paula, Santa Teresa de Xesús y la Sagrada Familia; zárrase con una cortina con un crismón bordáu. La so fechura corrió a cargu del ebanista Frederic Labòria, que tamién collaboró con Gaudí na Sagrada Familia.[105]

Poco tiempu dempués Gaudí recibió un nuevu encargu del conde Güell, la construcción de la so casa familiar, na cai Nou de la Rambla de Barcelona. El Palaciu Güell (1886-1888) sigue la tradición de les grandes cases señoriales catalanes como les de la cai Montcada. Gaudí diseñó una entrada monumental con unes magnífiques puertes d'arcos parabólicos y rexes calaes de fierro forxao, afataes col escudu de Cataluña y un yelmu con un dragón aláu, obra de Joan Oñós. Destaca'l recibidor interior, que tien un altor de trés llantes; ye'l nucleu central del edificiu, yá que ta arrodiáu poles principales estancies del palaciu, y destaca pola so cubierta con doble cúpula de perfil paraboloide nel interior y cónicu nel esterior, solución típica del arte bizantín. Na tribuna de la fachada Gaudí emplegó un orixinal sistema d'arcos catenarios y columnes con capiteles hiperboloidales, estilu ensin emplegar nin anterior nin darréu a Gaudí.[106] Diseñó con precuru l'interior del palaciu, con una suntuosa decoración d'estilu mudéxar, onde destaquen los techos con artesonaos de madera y fierro. Nel teyáu destaquen les chimenees, de formes xeométriques, recubiertes de cerámica de vivos colores, amas de l'alta aguya en forma de llinterna que supon el remate esterior de la cúpula del salón central, fecha igualmente de cerámica y rematada con una veleta de fierro.[107]

Pabellón de la Compañía Tresatlántica (1888).

Por mor de la Esposición Universal celebrada nel Parc de la Ciutadella de Barcelona en 1888, Gaudí construyó'l pabellón de la Compañía Tresatlántica, propiedá del marqués de Comillas, na Seición Marítima del certame. Fízose n'estilu nazarí granadín, con arcu de ferradura y decoración d'estucu; subsistió hasta l'apertura del Paséu Marítimu de Barcelona en 1960. Por cuenta de tal eventu recibió de parte de la Casa Conceyu de Barcelona l'encargu de la restauración de la Casa Conceyu d'El Salón de Cientu y de la Escalera d'Honor de la Casa de la Ciudá, xunto cola realización d'un sillón pa la Reina Rexente; del proyeutu namái se llevó a cabu'l sillón que l'alcalde Francesc Rius i Taulet regaló a la reina.[108]

Periodu neogóticu[editar | editar la fonte]

Nesta etapa Gaudí inspiróse sobremanera nel arte góticu medieval, qu'asume de forma llibre, personal, intentando ameyorar les sos soluciones estructurales. El neogóticu foi naquella dómina unu de los estilos historicistes de mayor ésitu, sobremanera arriendes de los estudios teóricos de Viollet-Le-Duc. Gaudí estudió con fondura'l góticu catalán, balear y rosellonés, amás del lleonés y el castellanu nes sos estancies en Llión y Burgos, llegando al convencimientu de que yera un estilu imperfeutu, a mediu resolver. Nes sos obres esanicia la necesidá de contrafuertes per aciu del emplegu de superficies reglaes, y suprime cresteríes y calaos escesivos.[109]

Un primer esponente va ser el Colexu de les Teresianes (1888-1889), na cai Ganduxer de Barcelona, encargu de San Enrique d'Ossó. Gaudí cumplió la voluntá de la orde de reflexar austeridá nel edificiu, en cumplimientu del votu de probitú; siguiendo les indicaciones de les relixoses proyeutó un edificiu sobriu, realizáu en lladriyu per fuera, y con dellos elementos de lladriyu per dientro. Tamién incorporó a la fachada rexes de fierro forxao, unu de los sos materiales preferíos, y coronólu con un conxuntu d'almenes que suxuren un castiellu, posible alusión a la obra de Santa Teresa El castiellu interior.[110] Nos ángulos de la fachada figuren unos pináculos de lladriyu con una columna helicoidal rematada cola cruz de cuatro brazos, típica de les obres de Gaudí, y con unos escudos de cerámica con diversos símbolos definitorios de la orde teresiana. Nel interior esiste un pasiellu que ye famosu pola socesión d'arcos catenarios que contien. Estos arcos de llinies elegantes nun son puramente decorativos, sinón que tienen la función de sostener el techu y la planta cimera. Gaudí utilizó l'arcu en parábola como elementu constructivu aparente, capaz d'aguantar pesos elevaos per aciu de perfiles pocu gruesos.[111]

El siguiente encargu recíbelu Gaudí de parte d'un clérigu amigu del so Reus natal, Joan Baptista Grau i Vallespinós, qu'al ser nomáu obispu d'Estorga encargó a Gaudí la construcción d'un Palaciu Episcopal p'aquella ciudá, yá qu'apocayá amburara l'edificiu anterior. Construyíu ente 1889 y 1915, ye d'aire neogóticu, con una planta articulada con cuatro torres cilíndriques, arrodiada por un fosu. La piedra na que ta construyíu (granitu buxo de la contorna d'El Bierzu) ye respetuosa cola redolada, cuantimás cola catedral que s'atopa na inmediata vecindá, según tamién cola naturaleza, que na Estorga de finales del sieglu XIX taba más presente qu'anguaño. El pórticu d'entrada tien trés grandes arcos abocinaos, fechos con sillares separaos ente sí por contrafuertes enclinaos. La cadarma del edificiu sofítase en pilastres con capiteles decoraos y en bóvedes de crucería sobre arcos oxivales de cerámica vidrao. Remata con un almenáu d'estilu mudéxar. Gaudí abandonó'l proyeutu en 1893, a la muerte del obispu Grau, por desavenencies col Cabildru, siendo termináu en 1915 por Ricardo García Guereta. Güei ye Muséu de los Caminos.[112]

Otru proyeutu de Gaudí fuera de Cataluña foi la Casa Botines, en Llión (1891-1894), encargu de Simón Fernández Fernández y Mariano Andrés Luna, comerciantes de texíos lleoneses, que recibieron l'encamientu de Gaudí de parte d'Eusebi Güell, col que trataben nos sos negocios. El proyeutu de Gaudí foi un impresionante edificiu d'estilu neogóticu, resueltu col so inconfundible estilu modernista. L'edificiu sirvió p'allugar nes sos plantes baxes los despachos y almacenes del negociu de texíos, y disponía coles mesmes de viviendes nes plantes cimeres. La construcción fízose con muros de sólida cantería caliar, dispuesta en forma d'almuhadináu.[113] L'edificiu ta flanquiáu por cuatro torres cilíndriques remataes con elevaes aguyes de forma cónica, feches de cayuela, y arrodiáu d'un fosu con rexa de forxa. Les ventanes son de guillotina, con voladizos enclinaos p'aparar la ñeve, bien frecuente nel iviernu lleonés. La fachada ye d'estilu góticu, con arcos lobulaos, y tien un reló y una escultura de San Xurde y el dragón, obra de Llorenç Matamala.[114] Na actualidá ye'l llar de Caja España.

Proyeutu de Misiones Católiques Franciscanes de Tánxer, nuna tarxeta postal unviada por Gaudí a Mariano Andrés, dueñu de la Casa Botines, en 1893. Apréciase'l planu de la fachada, a escala 1/100, y de la planta, a escala 1/500.

En 1892 recibió Gaudí de parte de Claudio López Bru, segundu marqués de Comillas, l'encargu pa unes Misiones Católiques Franciscanes pa la ciudá de Tánxer, en Marruecos (entós daquella una colonia española). El proyeutu consistía nun conxuntu compuestu por ilesia, hospital y escuela, y Gaudí concibió una estructura de planta cuadrilobulada, en forma de cinco cruces potenzaes (seña de los misioneros franciscanos de Marruecos), con arcos catenarios y torres de perfil parabólicu, con ventanes hiperboloidales. Finalmente'l proyeutu nun se llevó a cabu, cosa que Gaudí llamentó fondamente, guardando siempres consigo'l bocetu que realizó del conxuntu. Sicasí, esti proyeutu influyó-y pa les obres de la Sagrada Familia, especialmente nel diseñu de les torres, de perfil parabólicu como nes Misiones.[115]

Pa la familia Güell proyeutó en 1895 una capiella funeraria pal monesteriu de Montserrat, obra irrealizada de la que se conocen pocos datos. Esi añu por fin empecipiáronse les obres de les Bodegues Güell, del vieyu proyeutu de 1882 pa un pabellón de caza y unes bodegues na finca La Corte de Garraf (Sitges), propiedá d'Eusebi Güell. Construyíes ente 1895 y 1897 so la direición de Francesc Berenguer, ayudante de Gaudí,[116] les bodegues tienen un perfil frontal triangular, con cubiertes de gran verticalidá con pronunciaes pindies de lloses de piedra, remataes por un xuegu de chimenees y dos pontes que la xunen al antiguu edificiu. Tien trés llantes: la baxa pa cochera, la vivienda y una capiella cubierta con bóveda catenaria, col altar nel centru. El conxuntu complétase con un pabellón portería, onde destaca la puerta de forxa, con forma de rede de pesca.

Nel términu municipal de Sant Gervasi de Cassoles (güei día un barriu de Barcelona), Gaudí recibió l'encargu, de parte de la vilba de Jaume Figueres, de reformar la Torre Bellesguard (1900-1909), antiguu palaciu de branéu del rei Martín I l'Humanu.[117] Gaudí fixo un proyeutu neogóticu, respetando al máximu l'edificiu anterior; como siempres, procuró integrar l'arquiteutura nel marcu natural circundante, polo qu'efectuó la construcción cola piedra pizarrosa del llugar. L'edificiu ye de planta cuadrada de 15 x 15 metros, colos vértices empobinaos a los cuatro puntos cardinales. Construyíu con piedra y lladriyu, tien muncha más proyeición vertical, ayudáu por una torre troncocónica coronada cola cruz de cuatro brazos, al pie de la bandera catalana y una corona real. La casa dispon de suétanu, planta baxa, planta noble y desván, con techu de cuatro enagües.[118]

Dómina naturalista[editar | editar la fonte]

Nesti periodu Gaudí perfeiciona'l so estilu personal, inspirándose nes formes orgániques de la naturaleza, poniendo en práutica toa una serie de soluciones estructurales nueves aniciaes nos fondos analises efectuaos por Gaudí de la xeometría reglada. A ello añede l'arquiteutu una gran llibertá creativa y una imaxinativa creación ornamental. Partiendo de ciertu barroquismu les sos obres adquieren gran riqueza estructural, de formes y volumes desprovistos de rixidez racionalista o de cualquier premisa clásica.[119]

Por encargu de la razón social Fíos de Pedro Mártir Calvet, Gaudí construyó la Casa Calvet (1898-1899), na cai Caspe de Barcelona. La fachada ye de piedra de sillería de Montjuïc, afatada con balcones de fierro forxao y rematada por dos frontones, coronaos con cruces de fierro de forxa. Coles mesmes, rescampla na fachada la tribuna del pisu principal, decorada con motivos vexetales y mitolóxicos. Nesti proyeutu Gaudí utilizó un ciertu estilu barrocu, visible nel usu de columnes salomóniques, la decoración con temes florales y el proyeutu d'azotea con cascada y maceteros d'aire rococó. Por esta obra ganó en 1900 el premiu al meyor edificiu del añu otorgáu pol Conceyu de Barcelona.[120]

Una obra cásique desconocida de Gaudí ye la Casa Clapés (1899-1900), na cai Escorial 125, encargu del pintor Aleix Clapés, que collaboró en dalguna ocasión con Gaudí, como na decoración del Palaciu Güell y de la Casa Milà. Tien planta y tres pisos, de murios revocaos y balcones de fierro colao. Pola so falta de decoración o de soluciones estructurales orixinales inoróse l'autoría de Gaudí hasta 1976, fecha en que se toparon los planos roblaos pol arquiteutu.[121] En 1900 reformó la casa del doctor Pere Santaló, na cai Nou de la Rambla 32, obra igualmente d'escasa importancia. Santaló yera amigu de Gaudí, al qu'acompañó na so estancia en Puigcerdà en 1911, y foi'l que-y encamentó facer trabayos manuales pal so reumatismu.[122]

Puerta de la Finca Miralles.

Tamién en 1900 diseñó dos estandartes: el del Orfeó Feliuà (de Sant Feliu de Codines), iguáu en latón, cueru, corchu y seda, con motivos ornamentales basaos nel martiriu de San Félix (una rueda de molín), na música (un pentagrama y una clave de sol) y la inscripción “Orfeó Feliuà”; y el de la Virxe de la Misericordia de Reus, pa la pelegrinación de los reusenses residentes en Barcelona, que presenta una imaxe d'Isabel Besora, la pastora a la que se-y apaeció la Virxe en 1592, obra d'Aleix Clapés y, nel aviesu, una rosa y la bandera de Cataluña. Precisamente, del Santuariu de la Virxe de la Misericordia de Reus fixo Gaudí esi mesmu añu un anteproyeutu pa la reforma de la fachada principal de la ilesia, que finalmente nun se llevó a términu, una y bones la xunta del Santuariu considerabálo oneroso. Esti refugu sentó bien mal a Gaudí, dexándo-y cierta rensía escontra Reus, pudiendo ser l'orixe de la so afirmación posterior de ser Riudoms el so llugar de nacencia.[123] Ente 1900 y 1902 Gaudí trabayó nel Portal Miralles, encargu del industrial Hermenegild Miralles i Anglès; Gaudí namái diseñó'l muriu de cerca y la puerta d'accesu, fechos de mampostería de formes ondulaes, con puerta de fierro rematao cola cruz de cuatro brazos. Darréu, la casa del señor Miralles foi obra de Domènec Sugrañes, arquiteutu collaborador de Gaudí.

El principal proyeutu de Gaudí a principios del sieglu XX foi'l Parque Güell (1900-1914), nuevu encargu de Eusebi Güell pa construyir una urbanización residencial al estilu de les ciudaes-xardín ingleses. El proyeutu nun tuvo ésitu, yá que de 60 parceles en que s'estremó'l terrén namái se vendió una. Magar ello, construyéronse los accesos al parque y les árees de servicios, esplegando Gaudí tol so xeniu arquiteutónicu y poniendo en práutica munches de les sos anovadores igües estructurales que van ser emblemátiques del so estilu organicista y que van rematar na Sagrada Familia. El Parque Güell allúgase nel llamáu Monte Peláu, nel barriu d'El Carmel de Barcelona. Yera una paraxa abrupta, con fuertes desniveles que Gaudí sorteó con un sistema de viaductos integraos nel terrén. L'accesu al parque tien dos edificios, destinaos a portería y alministración, arrodiaos d'un muriu de mampostería y cerámica vidrao policromao. Estos pabellones d'entrada son amuesa de la plenitú gaudiniana, con cubiertes de bóvedes catalanes en forma de paraboloide hiperbólicu.[124] Pasaos los pabellones alcuéntrase un escalinata que conduz a los niveles cimeros, decorada con unes fontes esculpíes onde destaca'l dragón, que se convirtió en símbolu del parque y unu de los más reconocíos emblemes de Gaudí. Esta escalinata conduz a la Sala Hipóstila, que sirviría de mercáu de la urbanización, fecha con grandes columnes d'orde dóricu. Enriba d'esta sala atópase una gran plaza en forma de teatro griegu, col famosu bancu corredizu revistíu de cerámica estazada (“trencadís”), obra de Josep Maria Jujol.[125] La casa d'amuesa del parque, obra de Francesc Berenguer, foi residencia de Gaudí de 1906 a 1926, y anguaño acueye la Casa-Muséu Gaudí.

La Resurrección de Jesús, Primer Misteriu de Gloria del Rosariu Monumental de Montserrat.

Nesta dómina Gaudí collaboró nun interesante proyeutu coleutivu, el Rosariu Monumental de Montserrat (1900-1916). Allugáu nel camín a la Santa Cueva de Montserrat, trátase d'una serie de grupos escultóricos que remembraben los misterios de la Virxe que se recen nel Rosariu. Nesti proyeutu intervinieron los meyores arquiteutos y escultores de la dómina, y ye una singular amuesa del modernismu catalán. Gaudí proyeutó'l Primer Misteriu de Gloria, qu'aludía al Santu Sepulcru, con una estatua de Cristu resucitáu, obra de Josep Llimona, y el grupu de los Trés Maríes esculpíu por Dionís Renart. Otru proyeutu monumental escurríu por Gaudí pa Montserrat nun se llegó a realizar: consistiría en coronar el Cavall Bernat (unu de los picos del monte) con un mirador en forma de corona real, incorporando a la paré un escudu de Cataluña de venti metros d'altor.[126]

En 1901 realizó Gaudí la decoración de la casa d'Isabel Güell López, marquesa de Castelldosrius, fía d'Eusebi Güell. Sita na cai Junta de Comerç 19, la casa fuera construyida en 1885 y reformada ente 1901 y 1904; la casa foi destruyida por una bomba mientres la Guerra Civil.[127] Al otru añu intervino Gaudí na decoración del Chigre Torino, propiedá de Flaminio Mezzalana, situ en Paséu de Gracia 18; Gaudí diseñó la ornamentación del Salón Árabe de dichu establecimientu, iguada con llosetes de cartón prensao y barnizao, d'estilu árabe (güei sumíu).

Un proyeutu de gran interés pa Gaudí foi la restauración de la Catedral de Santa María de Palma de Mallorca (1903-1914), por encargu del obispu d'esa ciudá, Pere Campins i Barceló. Gaudí proyeutó una serie d'actuaciones como desmontar el retablu barrocu del altar mayor, dexando a la vista la cátedra episcopal, mover el coru del centru de la nave y asitialu nel presbiteriu, dexar espedita la capiella de la Trinidá, allugar nueves cantoríes y púlpitos, decorar la catedral con llume llétrico, descegar los ventanales góticos de la Capiella Real y dotalos de vidreres, allugar un gran baldaquín sobre l'altar mayor y completar la decoración con pintures. Les obres dirixóles Joan Rubió i Bellver, ayudante de Gaudí, interviniendo tamién Josep Maria Jujol y los pintores Joaquín Torres García, Iu Pascual y Jaume Llongueras. Gaudí abandonó'l proyeutu en 1914 por diverxencies col cabildru catedraliciu.[128]

Unu de los mayores encargos y de les obres más emblemátiques de Gaudí foi la Casa Batlló (1904-1906). Encargu de Josep Batlló i Casanovas pa reformar un edificiu anterior d'Emili Sala Cortés de 1875,[129] Gaudí trabauó na fachada, el pisu principal, el patiu de lluces y l'azotea, y llevantó un quintu pisu pal personal de serviciu. Pa esta obra cuntó cola collaboración de los sos ayudantes Domènec Sugrañes, Joan Rubió y Josep Canaleta. La fachada fízola con piedra arenisco de Montjuïc, tallao según superficies reglaes en forma alabeada; les columnes tienen forma ósea, con representaciones vexetales. Gaudí caltuvo la forma rectangular de los balcones del edificiu anterior –con barandielles de fierro con forma de antifaz–, dando al restu de la fachada una forma ondulada en sentíu ascendente. Coles mesmes revistió la fachada con cerámica de cachos de cristal de dellos colores ("trencadís"), que Gaudí llograba nes refugayes de la vidrería Pelegrí. El patiu internu anubriólu con una claraboya de cristal sostenida por una cadarma de fierro con forma de doble T, que sofita nuna serie d'arcos catenarios. Na azotea destaquen les chimenees de formes helicoidales y remataes por sombreretes cónicos, revistíes de vidru tresparente na so parte central y de cerámica na cimera, y remataes por unes boles de cristal tresparente rellenes de sable de distintos colores. Remata la fachada una bóveda formada por arcos catenarios cubiertos con dos capes de lladriyu, recubierta con cerámica vidrada en forma d'escames (en tonos mariellu, verde y azul), que recuerda'l llombu d'un dragón; na parte esquierda hai una torre cilíndrica colos anagrames de Xesús, María y Xosé, y cola cruz gaudiniana de cuatro brazos.[130]

En 1904, por encargu del pintor Lluís Graner, realizó'l proyeutu de decoración de la Sala Mercè, na Rambla de los Estudios, unu de los primeres cines de Barcelona; la sala asonsañaba un covarón, inspirándose nes Cueves del Drach de Mallorca. Tamién pa Graner diseñó un xalé na Bonanova, del que namái se construyó los cimientos y la puerta principal, con tres apertures: pa persones, xarrés y páxaros; l'edificiu tendría una estructura asemeyada a la Casa Batlló o a la portería del Parque Güell.[131]

El xalé de Catllaràs (1905), en La Pobla de Lillet.

El mesmu añu construyó'l Taller Badia, pa Josep y Lluís Badia Miarnau, ferreros y forxadores collaboradores de Gaudí en delles de les sos obres, como les cases Batlló y Milà, el Parque Güell y la Sagrada Familia; sito na cai Nàpols 278, yera un edificiu de llínees sencielles, fechu de mampostería (güei sumíu). Neses feches diseñó tamién un pavimentu hidráulico de baldoses de forma hexagonal pa la Casa Batlló, anque finalmente nun s'asitiaron nesi allugamientu y se reaprovecharon pa la Casa Milà; yeren de color verde y taben decoraes con un alga, un cascoxu y una estrella de mar. Esta baldosa foi escoyida darréu pa pavimentar el Paséu de Gracia barcelonés.[132]

Igualmente en 1904 construyó'l xalé-abelugo de Catllaràs, en La Pobla de Lillet, pa la fábrica de cementu Asland, propiedá de Eusebi Güell. Tien una estructura simple pero bien orixinal, con forma d'arcu apuntáu, con dos tramos d'escaleres semicirculares pa conducir a los dos pisos cimeros. Nesta mesma localidá realizó ente 1905 y 1907 los Xardinos de Can Artigas, na zona llamada Fonte de la Magnesia, por encargu del industrial testil Joan Artigas i Alart; intervinieron nesta obra operarios que trabayaren nel Parque Güell, realizando un proyectu paecíu al del famosu parque barcelonés.[133]

En 1906 fixo'l proyectu de la ponte sobre la Riega de Pomeret, ente Sarrià y Sant Gervasi. Esta riega atopábase precisamente ente dos obres de Gaudí, la Torre Bellesguard y el Xalé Graner, polo que pidieron al arquiteutu un estudiu pa salvar el desnivel: Gaudí proxectó una interesante estructura compuesta de triángulus yustapuestos que sostendríen el treme de la ponte, siguiendo l'estilu de los viaductos que realizara nel Parque Güell. Construyiríase de cementu, y tendría un llargor de 154 metros y un altor de 15 metros; la barandiella taría recubierta d'azulexu, con una inscripción dedicada a Santolaya. El proyectu nun foi aprobáu pol Conceyu de Sarrià.[134]

El mesmu añu intervieno al paecer na torre Damià Mateu, en Llinars del Samartín de Vallés, en collaboración col so collaborador Francesc Berenguer, magar nun ta clara l'autoría del proyectu o en qué grau intervieno cada unu. L'estilu del edificiu remembra les primeres obres de Gaudí, como la Casa Vicens o los Pabellones Güell; tenía una rexa d'entrada en forma de rede de pescar, anguaño instalada nel Parque Güell. La casa foi baltada en 1939.[135] Tamién en 1906 diseñó un nuevu estandarte, esta vegada pal Gremiu de Cerraxeros y Ferreros, pa la procesión de Corpus Christi de 1910 na Catedral de Barcelona. Yera de color verde escuru, col escudu de Barcelona nel cantu cimeru esquierdu, y una imaxe de San Eloy, patrón del gremiu, con preseos típicos del oficiu. La bandera foi quemada en xunetu de 1936.[136]

Otru de los mayores encargos y una de les obres más emponderaes de Gaudí va ser la Casa Milà, más conocida como La Pedrera (1906-1910), encargu de Pere Milà i Camps. Gaudí concibió la casa alredor de dos grandes patios de forma curvillinia, con una estructura de pilastres de piedra, lladriyu y fierro coláu, y tremes de jácenas de fierro. Tola so fachada ta realizada en piedra caliar de Villafranca del Panadés, salvo la parte cimera que ta cubierta d'azulexos blancos, remembrando un monte neváu. Tien un total de cinco llantes, más un desván realizáu na so totalidá con arcos catenarios– y l'azotea, según los dos grandes patios interiores, unu de planta circular y otru de planta oval. Na azotea destaquen les salíes d'escalera, remataes cola cruz de cuatro brazo, según les chimenees, recubiertes de cerámica con unes formes que suxuren yelmos de soldaos. La decoración interior corrió al cargu de Josep Maria Jujol y el pintores Iu Pascual, Xavier Nogués y Aleix Clapés. La fachada taría rematada por un grupu escultóricu de piedra, metal y cristal cola Virxe del Rosario arrodiada de los arcánxelye Miguel y Gabriel, de 4 metros d'altor. Fíxose un bocetu a cargu del escultor Carles Mani, pero por cuenta de los sucesos de la Selmana Tráxica de 1909 abandonóse'l proyectu.[137]

Bocetu del Hotel Atracción, dibuxu de Joan Matamala.

Con motivu del séptimu centenariu de la nacencia del rei Jaime I Gaudí proxectó en 1907 un monumentu na so memoria. Asitiaríase na Plaza del Rei, y supondría tamién la reforma de los edificios axacentes: nuevu techu pa la catedral, según la culminación de les sos torres y cimborio; allugamientu de tres jarrón sobre los contrafuertes de la Capiya de Santa Águeda, dedicaos a les advocaciones de les lletaníes lauretanas (Vas Spirituale, Vas Honorabile y Vas Insigne Devotiones), según la figura d'un ánxel sobre'l campanariu de la capiya; a lo último, abrir una gran plaza al pie de la muralla (actual Plaza de Ramón Berenguer el Grande). El proyectu nun se realizó porque nun gustó al consistoriu barcelonense.[138]

En 1908 Gaudí concibió un proyectu irrealizado pa un gran hotel-rascacielos en Nueva York, el Hotel Atracción, encargu de dos empresarios estadounidenses de los que se desconoz el nome. Tendría 360 metros d'altor (más qu'el Empire State), con un cuerpu central más altu de forma paraboloide, rematáu con una estrella, y flanqueado por cuatro cuerpos d'edificiu dedicaos a museos, galeríes d'arte y auditorios, con formes asemeyaes a la Casa Milà. Nel interior, tendría cinco grandes salones superpuestos, unu dedicáu a cada continente.[139][140]

Proyectu orixinal de la ilesia de la Colonia Güell.

L'últimu proyectu pal so gran mecenes, Eusebi Güell, foi'l d'una ilesia pa la Colonia Güell, en Santa Coloma de Cervelló, de la que namá se construyó la cripta (conocida güei día como Cripta de la Colonia Güell) (1908-1918). Proyectu de colonia obrera empecipiáu en 1890, construyérase la fábrica, edificios de servicios y viviendes pa los obreros. La que sería ilesia de la Colonia foi proxectada por Gaudí en 1898, anque nun s'asitió la primer piedra hasta'l 4 d'ochobre de 1908. Lamentablemente, namá se construyó la cripta, yá que a la muerte del conde Güell en 1918 los sos fíos abandonaron el proyectu. Gaudí proxectó una ilesia de planta oval con cinco naves, una central y dos más a cada llau. Escurrió un conxuntu dafechu integráu na naturaleza, reflexu del conceutu que Gaudí tenía de l'arquitectura como estructura orgánica. Un pórticu de bóvedes de paraboloide hiperbólicu antecede a la cripta, primer vegada que Gaudí emplegó esta estructura y primer exemplu de bóvedes paraboloidales na hestoria de l'arquitectura.[141] Na cripta destaquen los grandes ventanales, de forma hiperboloidal, cubiertos con vidrios de colores en forma de pétalos de flor o nales de camparina. Nel interior alternen pilastres circulares de lladriyu con columnes inclinaes de basaltu de Castellfollit de la Roca.

Dómina final: cume del so estilu[editar | editar la fonte]

Nos últimos años de la so carrera, dedicaos casi n'esclusiva a la Sagrada Familia, Gaudí llega a la culminación del so estilu naturalista, faciendo una síntesis de toles soluciones y estilos probaos hasta aquel entós. Gaudí llogra una perfecta harmonía na interrellación ente los elementos estructurales y los ornamentales, ente plástica y estética, ente función y forma, ente conteníu y continente, llogrando la integración de toles artes nun tou estructurado y lóxicu.[142]

El primer exemplu de el so etapa final tener nun edificiu senciellu pero bien atélite, les Escueles de la Sagrada Familia, pequenu edificiu destináu a escuela pa los fíos de los obreros que trabayaben nel templu. Construyíu en 1909, tien planta rectangular de 10 x 20 metros, y constaba de tres aules, antepar y capiya. La construcción realizar con lladriyu vistu, en trés capes superpuestes, siguiendo la técnica tradicional catalana. Tanto les parés como'l teyáu tienen forma ondulada, que confier a la estructura una sensación de ligereza pero al empar una gran resistencia. Les Escueles de la Sagrada Familia fueron un exemplu en xenialidá constructiva y sirvieron de fonte d'inspiración pa munchos arquiteutos, pola so simplicidá, resistencia, orixinalidá del volume, funcionalidad y pureza xeométrica.[143]

En mayu de 1910 Gaudí pasó una curtia estancia de reposu en Vich, onde recibió l'encargu de diseñar unes faroles pa la Plaza Mayor de la ciudá, en conmemoración del primer centenariu de la nacencia de Jaume Balmes. Yeren una faroles en forma de obeliscu, con base y fuste de piedra basáltica de Castellfollit de la Roca y brazos de fierro forxáu, remataes pola cruz de cuatro brazo; la decoración yera de motivos vexetales ya incluyía les feches de nacencia y muerte de Balmes. Les faroles fueron baltaes en 1924, pos presentaben mala traza de caltenimientu.[144]

Esi mesmu añu, por cuenta del llogru del títulu de conde per parte de Eusebi Güell, Gaudí diseñó un escudu d'armes pal so gran mecenes: fixo un escudu cola parte inferior de forma catenaria, tan típica en Gaudí; estremar en dos cola figura del templete del Palaciu Güell, poniendo a la derecha una palombu con una rueda dentada –n'alusión a la Colonia Güell de Santa Coloma de Cervelló (“coloma” ye palombu en catalán) –, cola lleenda “ahir pastor” (ayeri preguero) y a la izquierda un búho posáu sobre media luna –símbolo de prudencia y sabiduría– cola lleenda “avuy senyor” (güei señor). Remata l'escudu un yelmu cola corona condal y el palombu símbolu del Espíritu Santu.[145]

En 1912 construyó dos púlpitos pa la ilesia de Santa María de Blanes: el del llau del Evanxeliu tenía planta hexagonal, decoráu col palombu del Espíritu Santu y los nomes en llatín de los cuatro evanxelistes y los siete Dones del Espíritu Santu; el de la Epístola tenía los nomes de los apóstolye qu'escribieron epístolas (San Pedro, San Pablo, San Juan Evanxelista, San Judas Tadeo y Santiago'l Mayor), colos trés virtúes teologales y les llapaes del fueu de Pentecostés. Estos púlpitos fueron quemaos en xunetu de 1936.[146] Pa la restauración de la Catedral de Manresa pidir a Gaudí en 1915 que realizara una valoración del anteproyectu realizáu pol arquiteutu Alexandre Soler i March, encargáu de les obres. Gaudí suxurió delles correcciones, como asitiar un pórticu xuntu al baptisteriu, una cubierta a dos enagües sobre la nave principal y una sala sobre'l pórticu pa muséu y arquivu.

Dende 1915 Gaudí dedicóse prácticamente n'esclusiva a la so obra cume, la Sagrada Familia, que supon la síntesis de tola evolución arquitectónica del xenial arquiteutu. Dempués de la realización de la cripta y l'ábside, inda n'estilu neogóticu, el restu del templu concebir nun estilu orgánicu, asonsañando les formes de la naturaleza, onde abonden les formes xeométriques reglaes. L'interior tenía d'asemeyar un monte, con un conxuntu de columnes arborescentes inclinaes, de forma helicoidal, creando una estructura al empar simple y resistente. Gaudí aplicó na Sagrada Familia tolos sos afayos esperimentaos enantes n'obres como'l Parque Güell o la cripta de la Colonia Güell, consiguiendo ellaborar un templu estructuralmente perfectu al empar qu'harmónicu y estéticu.

La Sagrada Familia tien planta de cruz llatina, de cinco naves centrales y transepto de tres naves, y ábside con siete capilla. Ostenta tres fachaes dedicaes a la Nacencia, Pasión y Gloria de Jesús, y cuando tea concluyíu va tener 18 torres: cuatro en cada portal faciendo un total de dolce polos apóstoles, cuatro sobre'l cruceru invocando a los evanxelistes, un sobre l'ábside dedicada a la Virxe y la torre-cimborio central n'honor a Jesús, que va algamar los 170 metros d'altor.[147] El templu va disponer de dos sacristías xuntu al ábside, y de trés grandes capiyes: la de l'Asunción nel ábside y les del Bautismu y la Penitencia al pie de la fachada principal; coles mesmes, va tar arrodiáu d'un claustru pensáu pa les procesiones y p'aisllar el templu del esterior. Gaudí aplicó a la Sagrada Familia un altu conteníu simbólico, tantu n'arquitectura como n'escultura, dedicando a cada parte del templu un significáu relixosu.

Mientres la vida de Gaudí namá se completaron la cripta, l'ábside y, parcialmente, la fachada de la Nacencia –de la que Gaudí namá vio coronada la torre de San Bernabé–. A el so muerte fixo cargu de la construcción el so ayudante, Domènec Sugrañes; darréu, tuvo so la dirección de diversos arquiteutos, siendo Jordi Bonet i Armengol director de les obres dende 1987. Na decoración escultórica trabayaron artistes como Llorenç y Joan Matamala, Carles Mani, Jaume Busquets, Joaquim Ros i Bofarull, Etsuro Sotoo y Josep Maria Subirachs, autor de la decoración de la fachada de la Pasión.

Mientres los últimos años de la so vida, amás de la so dedicación a la Sagrada Familia, namá intervieno en pequenos proyectos que nun fueron llevaos a términu: en 1916, al morrer l'obispu de Vic Josep Torras i Bages, amigu de Gaudí, proxectó un monumentu n'homenaxe al clérigu, que pensó instalar frente a la fachada de la Pasión de la Sagrada Familia. Realizó un bocetu del proyectu, que finalmente non se llevó a cabu, y realizóse un bustu de yelsu del obispu Torras, obra de Joan Matamala so les ordes de Gaudí; instaláu na Sagrada Familia –formaría parte del monumentu–, foi destruyíu en 1936.[148] Otru proyectu de monumentu conmemorativo, igualmente irrealizado, foi'l dedicáu a Enric Prat de la Riba, que s'asitiaría en Castellterçol, llugar de nacencia del políticu catalán. El proyectu data de 1918, y consistiría nuna alta torre con dos pórticos y una aguya rematada nuna estructura de fierro de la qu'escolgaría la bandera catalana. El dibuxu del proyectu foi de Lluís Bonet i Garí, ayudante de Gaudí.[149]

En 1922 recibió Gaudí un encargu de parte del padre franciscanu Anxélicu Aranda d'una ilesia dedicada a l'Asunción en Rancagua (Chile).[150] Gaudí escusóse diciendo qu'ocupaba'l so tiempu n'esclusiva a la Sagrada Familia, pero unvió a Chile unos bocetos de la capiya de l'Asunción que proxectara pal ábside de la Sagrada Familia, que más o menos coincidíen un pocu colos solicitáu pol padre Aranda. Esti proyectu nun se llevó a cabu, anque na actualidá esiste la intención de retomalo –per parte del arquiteutu chilenu Christian Matzner–, y construyir por fin una obra diseñada por Gaudí nel Nuevu Continente.[151] Enagora hai destinaos unos terrenes llamaos Parque Cataluña— pa la construcción de la ilesia, y embaráxase la fecha de 2014 pa la so construcción.

Esi mesmu añu Gaudí recibió una consulta pa la construcción d'una estación monumental de trenes pa Barcelona (la futura Estación de Francia). Gaudí suxurió una estructura de fierro en forma de gran toldu suspendíu, solución orixinal bastante adelantrada a la so dómina; quiciabes por ello, el proyectu arredró a los inxenieros encargaos, que tornaron la ufierta de Gaudí. Los últimos proyectos conocíos del arquiteutu son el d'una capiya pa la Colonia Calvet en Torelló, de 1923, y el d'un púlpitu pa Valencia (desconozse'l llugar esactu), de 1924. Dende entós Gaudí trabayó yá puramente pa la Sagrada Familia, hasta l'aciar día del accidente que-y causó la muerte.

Llistáu y allugamientu de les obres principales[editar | editar la fonte]

Darréu enumbérense les obres principales de Gaudí.[152]

Añu Nome Allugamientu Descripción Estáu Semeya
1889-1893 Palaciu Episcopal d'Estorga Obra encargada pol obisbu Grau, que conociera a Gaudí cuando tuvo na Diócesis de Tarragona. Correutu Palaciu Episcopal d'Estorga
Añu Nome Allugamientu Descripción Estáu Semeya
1883-1888 Casa Vicens C/Carolines, 24 Casa unifamiliar fecha pa Manuel Vicens i Montaner. Correutu Casa Vicens
1884-1887 Finca Güell Av. Pedralbes, 15 (Pavellons)
Av. Joan XXIII, 27-31 (porta est)
C/ Martí i Franquès, 2-12 (porta sud)
Av. Diagonal, 686 (fonte y umbráculu, nos xardinos del Palaciu de Pedralbes)
Eusebi Güell encarga a Gaudí la fechura de delles obres na finca que tenía ente les Cortes y Sarrià. Les obres consistieren nel zarru con tres puertes (la dels Pavellons Güell y les allugaes güei na Facultá de Farmacia y na de Bioloxúa de la UB) la portería y les cuadres (Pavellons), un miradoriu, una fonte y una fonte (nos xardinos del Palaciu de Pedralbes) y la capiella de la casa-residencia (desaniciada). Correutu Finca Güell
Finca Güell
Finca Güell
Finca Güell
1884-1926 Sagrada Família Pça.Sagrada Família La Sagrada Família ye una ilesia allugada nel distritu del Eixample de Barcelona. Ye unu de los más conocíos exemplos del modernismu catalán y ta catalogada como Patrimoniu de la Humanidá. Correutu. En construcción Sagrada Família
1885-1889 Palaciu Güell C/Nou de la Rambla Casa unifamiliar encargada por Eusebi Güell, mecenes de Gaudí. Correutu Palau Güell
1888-1890 Col·legi de les Teresianes C/ Ganduxer 85 Gaudí recibe l'encargu del padre Ossó, fundador de la compañía de Santa Teresa, de rematar un proyeutu yá aniciáu. Desconózse l'autor del proyeutu orixinal. Correutu Col·legi de les Teresianes
1900 Casa Calvet C/ Casp 48 Edificiu fechu pa un fabricante testil, y va servir tanto pal negociu, al cual se van destinar la planta baxa y el soterrañu, como pa viviendes, allugaes nes plantes superiores. Correutu Casa Calvet
1900-1909 Porta i tanca de la Finca Miralles Pg. de Manuel Girona, 55-57 Muria y puerta pa la finca d'Hermenegild Miralles. Bono Miralles
1900-1910 Parc Güell C/ Olot s/n Parque públicu coles construcciones comunitaries d'un proyeutu d'urbanización de lluxu frustráu pola Primer Guerra Mundial. Correutu Parc Güell
1905-1907 Casa Batlló Pg. de Gràcia, 43 Remodelación integral d'un edificiu del 1877, encargada pol industrial testil Josep Batlló. Correutu Casa Batlló
1906-1910 Casa Milà Pg. de Gràcia Conocida popularmente como «la Pedrera», yera una casa pa viviendes fecha pal comerciant Pere Milà. Inspirada nel paisaxe de la Capadocia, actualmente ta catalogada como Patrimoniu de la Humanidá Correutu Casa Milà
1908-1909 Escoles de la Sagrada Família Pça.Sagrada Família Allugaes nel solar qu'ocupa la Sagrada Familia, construyéronse -de forma provisional- p'atender la educación de los fíos de los trabayadores. Regular Escoles de la Sagrada Família
Añu Nome Allugamientu Descripción Estáu Semeya
1883 El Capricho Casa d'aire oriental encargada por Máximo Díaz de Quijano, cuñáu del marqués de Comillas. Correutu El Capricho
Añu Nome Allugamientu Descripción Estáu Semeya
1905-1906 Jardins Artigas Xardinos proyeutaos por Joan Artigas i Alart. Correutu Jardins Artigas
1905 Xalet del Catllaràs Xalé edificáu p'albergar a los inxenieros de la fábrica Asland. Correutu Xalet de Catllaràs
Añu Nome Allugamientu Descripción Estáu Semeya
1891-1892 Casa de los Botines Pça. de San Marcelo El nome orixinal ye «Casa Fernández-Andrés» y foi encargada por unos comerciantes testiles de Llión rellacionaos con Eusebi Güell. Correutu Casa Botines
Añu Nome Allugamientu Descripción Estáu Semeya
1878-1883 Cooperativa Obrera Mataronense Cai de la Cooperativa con Cai Thos i Codina Dos cases pa trabayadores, una sala de blanquéu industrial, unos sanitarios y l'estendart. Actualmente, sala d'esposiciones. Bono. Restauráu en 2008 Mataró
Añu Nome Allugamientu Descripción Estáu Semeya
1903-1916 Primer Misteriu de Gloria del Rosari Monumental de Montserrat Camí de la Santa Cova de Montserrat Grupu escultóricu de la Resurrección de Cristu, con escultura de Josep Llimona y Dionís Renart. Bono Rosariu Monumental de Montserrat
Añu Nome Allugamientu Descripción Estáu Semeya
1908-1914 Cripta de la Colònia Güell Colònia Güell, Carrer de Reixach s/n Les partes executaes del proyeutu del 1898 son la cripta y la escalinata. Bono Cripta de la Colònia Güell
Añu Nome Allugamientu Descripción Estáu Semeya
1895-1901 Celler Güell del Garraf C-246 Km 24,5 Bodega y anexos, actualmente formen parte d'un restorán Bono Celler Güell

Collaboradores de Gaudí[editar | editar la fonte]

Reproducción del taller de Gaudí na Sagrada Familia. Destruyíu en 1936, fíxose esta recreación a partir de fotografíes.

La bayurosa xera a la que fixo frente Gaudí –non en cantidá d'obres, pero sí na complexidá de les mesmes, cuidaes hasta l'últimu detalle– fixo que precisara la collaboración d'un gran númberu d'ayudantes, tanto arquiteutos como artesanos y profesionales de tolos sectores. Gaudí siempres marcaba les pautes de trabayu, pero dexaba marxe de maniobra a les capacidaes individuales de tolos sos collaboradores. Prueba de la so maestría mesmo nel oficiu que nes rellaciones humanes ye que supo apigurar un gran númberu de profesionales, toos con distintes idiosincrasies y maneres de trabayar, y crear un equipu integráu y perfeutamente estructuráu.[153]

Ente los sos collaboradores destaquen:

Patrimoniu de la Humanidá[editar | editar la fonte]

Delles de les obres de Gaudí fueron declaraes pola Unesco como Patrimoniu de la Humanidá: en 1984[154] el Parque Güell, el Palaciu Güell y la Casa Milà; y en 2005[155] la fachada del Nacimientu, la cripta y l'ábside de la Sagrada Familia, la Casa Vicens y la Casa Batlló en Barcelona, xunto cola cripta de la Colonia Güell en Santa Coloma de Cervelló.

La declaración de Patrimoniu Mundial d'estes obres de Gaudí supon reconocer el so valor universal esceicional. Asina foi razonáu pola UNESCO:[156]

  • La obra d'Antoni Gaudí representa una contribución creativa escepcional y notable nel desenvolvimientu de l'arquitectura y de la construcción del final del sieglu XIX y de principios del sieglu XX.
  • El trabayu de Gaudí representa un importante intercambiu de valores, estrechamente acomuñáu a les corrientes cultural y artísticu del so tiempu representaes pol Modernismu catalán. Antemanó ya influyó sobre un bon númberu de formes y de técniques que xugaron el so papel nel desenvolvimientu de la construcción moderna del sieglu XX.
  • La obra de Gaudí inclúi dellos exemplos notables de la tipoloxía de construcción na arquitectura del principiu del sieglu XX, tantu residencial como pública, nel desenvolvimientu de la cual realizó una significativa y creativa contribución.

Ver tamién[editar | editar la fonte]

Referencies[editar | editar la fonte]

  1. Esiste ciertu discutiniu sobro si nació en Reus o en Riudoms, llocalidá cercana a Reus d'onde yera orixinaria la so familia paterna. Sicasí, la mayoría d'especialistes enclínense por Reus: "Gaudí nació, según la mayor parte de versiones, na cai San Juan, al pie de la plaza Prim de Reus (...) Sicasí, más llueu Gaudí dexó maliciosamente abiertes eses puertes al dar a entender que, ello ye que podía nacer nel taller de so padre, malpenes trespasada la llende del términu municipal de Riudoms". Gijs Van Hensbergen, Antoni Gaudí, p. 33-35.
  2. naturaleza/ Gaudí: Mecánica y forma de la naturaleza
  3. La Sagrada Familia de Barcelona peracaba los preparativos pa la so apertura al cultu
  4. Armand Puig i Tàrrech, ‘’La Sagrada Família segons Gaudí’’, p.66.
  5. Joan Castellar-Gassol, Gaudí, la vida d'un visionari, p. 13.
  6. Cásique hasta 1915 Gaudí conseñó en tolos sos documentos como llugar de nacencia Reus, pero a partir d'entós declaróse fíu de Riudoms; el motivu podría ser el desapegu xeneráu pol refugu del so proyeutu de restauración del santuariu de la Misericordia de Reus. Joan Bassegoda, El gran Gaudí, p. 552.
  7. Ana Mª Férrin, Gaudí, de piedra y fuego, p. 61.
  8. Joan Bassegoda, El gran Gaudí, p. 26.
  9. Joan Bergós, Gaudí, l'home i l'obra, p. 31.
  10. Gijs Van Hensbergen, Antoni Gaudí, p. 36.
  11. Frommer's Barcelona, 2nd Edition. Peter Stone (2007). ISBN 978-0-470-09692-5
  12. History of Vegetarianism - Antoni Gaudi (1852-1926)
  13. Gijs Van Hensbergen, Antoni Gaudí, p. 162.
  14. Joan Castellar-Gassol, Gaudí, la vida d'un visionari, p. 95.
  15. “El Arlequín”
  16. Joan Bassegoda, Gaudí o espacio, luz y equilibrio, p. 35.
  17. Joan Bassegoda, El gran Gaudí, p. 24-25.
  18. Joan Bassegoda, Gaudí o espacio, luz y equilibrio, p. 14-15.
  19. Antoni Gaudí, la visión de un genio
  20. Joan Bassegoda, Gaudí o espacio, luz y equilibrio, p. 36.
  21. Josep M. Tarragona, Gaudí, biografia de l’artista, p. 11.
  22. Josep M. Tarragona, Gaudí, biografia de l’artista, p. 22.
  23. Mª Antonietta Crippa, Gaudí, p. 92.
  24. El complexu mundu d'un ceador empecináu
  25. Cèsar Martinell, Gaudí. Su vida, su teoría, su obra, p. 48.
  26. Josep M. Tarragona, Gaudí, biografia de l’artista, p. 235.
  27. Josep M. Tarragona, Gaudí, biografia de l’artista, p. 236.
  28. Gijs Van Hensbergen, Antoni Gaudí, p. 250.
  29. Joan Bassegoda, El gran Gaudí, p. 551.
  30. Isidre Puig i Boada, El temple de la Sagrada Família, p.166
  31. Josep M. Tarragona, Gaudí, biografia de l’artista, p. 239.
  32. Gijs Van Hensbergen, Antoni Gaudí, p. 291.
  33. Jordi Bonet, L'últim Gaudí, p.21.
  34. L'arquiteutu de Dios
  35. Josep M. Tarragona, Gaudí, biografia de l'artista, p. 164.
  36. El gran amor inalcanzado de Gaudí
  37. Amigos de Gaudí
  38. Rainer Zerbst, Antoni Gaudí, p. 13.
  39. Joan Bassegoda, El gran Gaudí, p. 29.
  40. Josep M. Tarragona, Gaudí, biografia de l'artista, p. 240.
  41. Gijs Van Hensbergen, Antoni Gaudí, p. 304-305.
  42. Antoni Gaudí afigura'l so arte en Google
  43. Ana Mª Férrin, Gaudí, de piedra y fuego , p. 415.
  44. Joan Bassegoda, Gaudí o espacio, luz y equilibrio, p. 263.
  45. Isidre Puig i Boada, El temple de la Sagrada Família, p.18.
  46. Joan Bassegoda i Nonell, El mestre Gaudí, pp. 20-21.
  47. Joan Bergós, Gaudí, l'home i l'obra, p. 9.
  48. Antoni Gaudí Cornet (1852-1926)
  49. El Musical de Gaudí
  50. Nacen los Premios Gaudí, que va llibrar añalmente l'Academia del Cine Catalán
  51. Beatificación de Gaudí
  52. J. Castellar-Gassol (2000) páx. 30-31
  53. Gijs van Hensbergen (2002) páx.47-53
  54. J. Bassegoda i Nonell (1984) páx.233
  55. Gijs van Hensbergen (2002) páx.125
  56. Gaudí, un independentista censurat
  57. Detenció de Gaudí l'11 de setembre de 1924
  58. Gijs Van Hensbergen, Antoni Gaudí, p. 114.
  59. Carlos Flores, Les lliçons de Gaudí, p. 58.
  60. Pere Hereu, Els anys d'aprenentatge de Gaudí, en Gaudí 2002. Misceŀlània, p. 44.
  61. Carlos Flores, Les lliçons de Gaudí, p. 89.
  62. El vanguardismo de un tradicionalista
  63. Carlos Flores, Les lliçons de Gaudí, p. 38-39.
  64. Eduardo Coloráu Albarrán, Antonio Gaudí, ese incomprendido: La Cripta de la Colonia Güell, p.145-146.
  65. Joan Bassegoda, Gaudí o espacio, luz y equilibrio, p. 198.
  66. Joan Bassegoda, Gaudí o espacio, luz y equilibrio, p. 266.
  67. Isidre Puig i Boada, El pensament de Gaudí, p. 238.
  68. Jorge Wagensberg, Apunts sobre la intuïció científica de Gaudí, en Gaudí 2002. Misceŀlània, p. 168.
  69. Mª Antonietta Crippa, Gaudí, p. 12.
  70. Claudi Alsina y Josep Gómez, Gaudí: geometria, estructura i construcció, en Gaudí 2002. Misceŀlània, p. 144.
  71. Carlos Flores, Les lliçons de Gaudí, p. 91-92.
  72. Técnica arquitectónica de Gaudí
  73. Joan Bassegoda, El gran Gaudí, p. 16.
  74. Joan Bassegoda, El gran Gaudí, p. 366-367.
  75. Diseño: entre el legado y la invención de la tradición
  76. Ana Mª Férrin, Gaudí, la huella del genio, p. 74.
  77. Josep Maria Carandell, La Pedrera, cosmos de Gaudí, p. 14.
  78. Joan Bassegoda, El gran Gaudí, p. 12.
  79. Joan Bergós, Gaudí, l'home i l'obra, p. 40.
  80. Mª José Gómez Gimeno, La Sagrada Familia, p.76-77.
  81. El mobiliario de Gaudí
  82. Isidre Puig i Boada, El pensament de Gaudí, p. 96.
  83. Daniel Giralt-Miracle, Art, oficis i disseny en Gaudí, en Gaudí 2002. Misceŀlània, p. 250.
  84. Joan Bergós, Gaudí, l'home i l'obra , p. 51-68.
  85. Joan Bergós, Gaudí, l'home i l'obra , p. 51.
  86. Joan Bassegoda, El gran Gaudí, p. 111.
  87. Joan Bassegoda, El gran Gaudí, p. 129.
  88. Joan Bassegoda, El gran Gaudí, p. 119.
  89. Carlos Flores, Les lliçons de Gaudí, p. 26.
  90. Joan Bassegoda, El gran Gaudí, p. 139.
  91. Joan Bassegoda, Gaudí o espacio, luz y equilibrio, p. 57.
  92. Joan Bassegoda, El gran Gaudí, p. 156.
  93. Joan Bassegoda, El gran Gaudí, p. 161.
  94. Joan Bassegoda, El gran Gaudí, p. 181.
  95. Gijs Van Hensbergen, Antoni Gaudí, p. 93.
  96. Joan Bassegoda, El gran Gaudí, p. 183.
  97. Joan Bassegoda, El gran Gaudí, p. 187-194.
  98. Joan Bassegoda, Gaudí o espacio, luz y equilibrio, p.113.
  99. Joan Bassegoda, Gaudí o espacio, luz y equilibrio, p.117.
  100. Joan Bergós, Gaudí, l'home i l'obra , p. 52.
  101. Joan Bassegoda, Gaudí o espacio, luz y equilibrio, p. 107.
  102. Mª Antonietta Crippa, Gaudí, p. 15.
  103. Joan Bassegoda, Gaudí o espacio, luz y equilibrio, p. 125-126.
  104. Mª Antonietta Crippa, Gaudí, p. 17.
  105. Joan Bassegoda, El gran Gaudí, p. 281.
  106. Joan Bassegoda, Gaudí o espacio, luz y equilibrio, p. 128.
  107. Joan Bassegoda, El gran Gaudí, p. 290.
  108. Joan Bassegoda, El gran Gaudí, p. 313.
  109. Joan Bergós, Gaudí, l'home i l'obra , p. 56.
  110. Mª Antonietta Crippa, Gaudí, p. 33.
  111. Rainer Zerbst, Antoni Gaudí, p. 94.
  112. Joan Bassegoda, Gaudí o espacio, luz y equilibrio, p. 150.
  113. Mª Antonietta Crippa, Gaudí, p. 37.
  114. Joan Bassegoda, Gaudí o espacio, luz y equilibrio, p. 155.
  115. Joan Bassegoda, El gran Gaudí, p. 333.
  116. Dellos espertos cuiden que l'autoría de les Bodegues ye de Berenguer dafechu, pero la mayoría enclínase pola so axudicación a Gaudí, tanto pol so estilu como poles sos soluciones estructurales, estilístiques y de materiales emplegaos, considerando igualmente la comitencia del conde Güell, amigu de Gaudí, y el fechu de que Berenguer nun tenía'l títulu d'arquiteutu, polo que nun podía roblar planos. Joan Bassegoda, Gaudí o espacio, luz y equilibrio, p. 91-100.
  117. Joan Bassegoda, Gaudí o espacio, luz y equilibrio, p. 165.
  118. Mª Antonietta Crippa, Gaudí, p. 49.
  119. Joan Bergós, Gaudí, l'home i l'obra , p. 60.
  120. Ana Mª Férrin, Gaudí, de piedra y fuego, p. 241.
  121. Joan Bassegoda, El gran Gaudí, p. 375.
  122. Gijs Van Hensbergen, Antoni Gaudí, p. 272.
  123. Joan Bassegoda, El gran Gaudí, p. 425.
  124. Joan Bassegoda, Gaudí o espacio, luz y equilibrio, p. 176.
  125. Rainer Zerbst, Antoni Gaudí, p. 150.
  126. Joan Bergós, Gaudí, l'home i l'obra, p. 79.
  127. Joan Bassegoda, El gran Gaudí, p. 435.
  128. Rainer Zerbst, Antoni Gaudí, p. 221.
  129. Joan Bassegoda, Gaudí o espacio, luz y equilibrio, p. 184.
  130. Joan Bassegoda, Gaudí o espacio, luz y equilibrio, p. 187.
  131. Joan Bassegoda, El gran Gaudí, p. 471.
  132. Rossend Casanova, Gaudí i els seus coŀlaboradors: artistes i industrials a l’entorn del 1900, en Gaudí 2002. Misceŀlània, p. 271.
  133. Joan Bassegoda, El gran Gaudí, p. 469.
  134. Joan Bassegoda, Gaudí o espaciu, lluz y equilibriu, p. 214.
  135. Joan Bassegoda, El gran Gaudí, p. 507.
  136. Joan Bassegoda, El gran Gaudí, p. 509.
  137. Ana Mª Férrin, Gaudí, de piedra y fueu, p. 296.
  138. Joan Bassegoda, El gran Gaudí, p. 529.
  139. Joan Bassegoda, El gran Gaudí, p. 531.
  140. Javi Peláez, proyectu-d'hotel xigante-de-gaudi.html «El proyectu d'hotel xigante de Gaudí en Nueva York (1908)», L'aldega irreductible, vienres, 24 de xunetu de 2009. Consultáu 24-7-2009.
  141. Joan Bassegoda, El gran Gaudí, p. 370.
  142. Joan Bergós, Gaudí, l'home i l'obra , p. 68.
  143. Mª Antonietta Crippa, Gaudí, p. 79.
  144. Joan Bassegoda, El gran Gaudí, p. 555.
  145. Joan Bergós, Gaudí, l'home i l'obra , p. 49.
  146. Joan Bassegoda, El gran Gaudí, p. 495.
  147. Rainer Zerbst, Antoni Gaudí, p. 198.
  148. Joan Bassegoda, El gran Gaudí, p. 563.
  149. Joan Bassegoda, El gran Gaudí, p. 565.
  150. Joan Bassegoda, El gran Gaudí, p. 581.
  151. Ana Mª Férrin, Gaudí, la huella del geniu, p. 47.
  152. Llista d'obres completes
  153. Colaboradores de Gaudí
  154. Sesión 8 del Comité del Patrimonio de la Humanidad de la UNESCO
  155. Sesión 29 del Comité del Patrimonio de la Humanidad de la UNESCO, p.222
  156. Patrimonio Mundial: Obras de Antoni Gaudí

Bibliografía[editar | editar la fonte]

Enllaces esternos[editar | editar la fonte]