Aniellu del Pescador

De Uiquipedia
Saltar a: navegación, buscar
Aniellu del Pescador de Lleón XIII

L'Aniellu del Pescador o Pescatorio (en llatín, Anulum Piscatoris) ye un aniellu usáu por el Obispu de Roma (el Papa) que, como sucesor del apóstol San Pedro, considérase la cabeza visible de la Ilesia Católica. El so nome débese al antiguu oficiu de pescador del apóstol San Pedro, el primer papa. Cada Sumu Pontífice porta un aniellu fechu con los restos del usáu pol anterior. Nél grabaráse un nuevu sellu.

L'Aniellu del Pescador tien la imaxe de san Pedro pescando nun bote, arrodiáu pel nome del papa qu'ocupa la sée nesi momentu en llatín.

Ritos[editar | editar la fonte]

A lo llargo del ritu d'inauguración de pontificáu o entronización papal, colócase-y l'aniellu nel déu al nuevu Papa. Esti ritu ta a cargu del Decanu del Colexu Cardenaliciu, mientres que'l Cardenal Protodiáconu colóca-y el Paliu al nuevu Papa. El pontífice debe llevar l'aniellu a lo llargo de tol so pontificáu, tanto en público como en privao, excepto'l Vienres Santu y cuando-y corresponda oficiar Misa d'exequies por dalgún cardenal.