Andres Caicedo

De Uiquipedia
Saltar a: navegación, buscar
Andres Caicedo na obra Anxélitos Empantadaos

Luis Andrés Caicedo Estela (Santiago de Cali, Colombia; 29 de setiembre de 1951 – ibídem, 4 de marzu de 1977) foi un escritor colombianu ñacíu en Cali, ciudá na que pasó la mayor parte de la so vida. Magar la so prematura muerte, la so obra ye considerada como una de les más orixinales de la lliteratura colombiana. Caicedo lideró diferentes movimientos culturales na ciudá vallecaucana como'l grupu lliterario los Dialogantes, el Cineclub de Cali y la revista Ojo al Cine. En 1970 ganó'l I Concursu Lliterario de Cuento de Caraques con la so obra "Los dientes de caperucita", lu que-y abriría les puertes a un reconocimientu intelectual. Na so obra ¡Que viva la música! ye ú asegura que vivir más de 25 años yera una vergoña, lo que ye visto por munchos como la razón principal del so suicidiu'l 4 de marzu de 1977 cuando tenía tan sólo 25 años d'edá y había recibíu una copia del llibro editáu por una editorial arxentina.[1][2][3]

La obra de Caicedo fai relevancia a la sociedá urbana y les sos problemes sociales, principalmente con respeutu al mundiu actual. Contrario a la escuela lliteraria del realismu máxicu, la obra de Caicedo inspirase completamente na realidá social, lo que fixó qu'algunos estudiosos den-y la importancia como alternativa en Llatinoamérica a figuras prominentes como la de Gabriel García Márquez. Especialmente'l periodista, escritor y cineasta chilenu Alberto Fuguet sigue la obra de Caicedo, al cual llama " el primer enemigu de Macondo".[4] A pesar de la so fama en Colombia, Caicedo ye poco coñocíu n'América Llatina, seguramente debíu a la so cea muerte. Ensin embargo, la permanente organización de la so producción lliteraria y la influencia que tien en nueves xeneraciones d'escritores como Rafael Chaparro, Efraím Medina, Octavio Escobar Giraldo y Ricardo Abdahllah, Facen que cada vegada más cobre gran valor l'aporte lliterario del "escritor con cara de estrella del pop", como lo llama'l chileno Alberto Fuguet.

Obra[editar | editar la fonte]

La mayoría de los sos escritos han sío espublizaos póstumamente. Gracies a la llabor editorial de dalgunos de los sos amigos, han salíu la lluz llibros que recopilan los sos cuentos y guiones pa teatru, asina como los sos ensayos críticos sobre cine. Asina mesmu, han sío espublizaes dalgunes cartes qu'unvió a la so madre, hermanes y amigos, les cuales permiten evidenciar los sos turbulentos estaos emocionales. Dalgunes de les recopilaciones más coñocíes son:

  • Mi Cuerpo es una celda(2008)Bogotá: Norma.
  • El libro negro de Andres Caicedo (2008). Bogotá: Norma.
  • El cuento de mi vida (2007). Bogotá: Norma.
  • Noche sin fortuna / Antígona (2002). Bogotá: Norma.
  • Ojo al cine (1999). Bogotá: Norma.
  • Angelitos empantanados o historias para jovencitos / A propósito de Andrés Caicedo y su obra (1995). Bogotá: Norma.
  • Recibiendo al nuevo alumno (1995). Cali: Editorial de la Facultad de Humanidades de la Universidad del Valle.
  • Destinitos fatales (1984). Bogotá: Oveja Negra.
  • Berenice / El atravesado / Maternidad / El Tiempo de la ciénaga (1978). Cali: Editorial Andes.

Noveles[editar | editar la fonte]

  • ¡Que viva la música! (1977)
  • Noche sin fortuna (inconclusa) (1976)
  • La estatua del soldadito de plomo (inconclusa) (1967)
  • La Vida de Jose Vicente Diaz Lopez (inconclusa) (1975)

Cuentos[editar | editar la fonte]

  • Pronto (1976)
  • En las garras del crimen (1975)
  • Maternidad (1974)
  • El pretendiente (1972)
  • El tiempo de la ciénaga (1972)
  • El atravesado (1971)
  • Destinitos fatales (1971)
  • Calibanismo (1971)
  • Patricialinda (1971)
  • Antígona (1970)
  • Berenice (1969)
  • Lulita, ¿qué no quiere abrir la puerta? (1969)
  • Felices amistades (1969)
  • El espectador (1969)
  • De arriba a abajo de izquierda a derecha (1969)
  • Besacalles (1969)
  • Vacíos (1969)
  • Por eso yo regreso a mi ciudad (1969)
  • Los mensajeros (1969)
  • Los dientes de Caperucita (1969)
  • Infección (1966)
  • Calicalabozo (1966), compuesto por quince relatos entre los cuales destaca "Infección"
  • El silencio (1964)

Guiones de cine y teatru[editar | editar la fonte]

  • Un hombre bueno es difícil de encontrar (1972)
  • El fin de las vacaciones (1967)
  • Recibiendo al nuevo alumno (1967)
  • El mar (1967)
  • Los imbéciles están de testigos (1967)
  • La piel del otro héroe (1967)
  • Las curiosas conciencias (1966)


Referencies[editar | editar la fonte]

  1. MEDELLÍN BECERRA, Jorge Alejandro y Diana Fajardo Rivera, Diccionario de Colombia, Ed. Norma, Bogotá, 2005-2006, p. 149, ISBN 958-04-8561-5
  2. Otres fontes aseguran que dicía "vivir más de veinticincu años yera una insensatez", como esta biografía del Centro Virtual Isaacs de la Universidad del Valle, enllaz revisáu'l 14 de xuniu de 2008.
  3. ¡Qué viva la música!, sinópsis by es.shvoong.com. Enllaz revisáu'l 14 de xuniu de 2008.
  4. CAREAGA, Roberto, "Fuguet prepara antología de Andrés Caicedo, el primer enemigo de Macondo", La Tercera, Santiago de Chile, 22 de febrero de 2008, enlace revisado el 14 de junio de 2008.

Enllaces esternos[editar | editar la fonte]