Ancares (conceyu)

De Uiquipedia
Saltar a: navegación, buscar
Ancares (conceyu)
Ancares 059.jpg
Vista del valle d'Ancares
Llocalización
Provincia de León - Los Ancares.svg
Xentiliciu:[1] ancarés, -a
Xeografía
Comunidá: Bandera de Castiella y Lleón  Castiella y Lleón
Provincia: Bandera de León.svg  Provincia de Lleón
Comarca: Ancares
Partíu xudicial: Ponferrada
Mayor altitú: 888
Población: 333 hab. (2012)
Área: 39,03 km²
Densidá: 2,36 hab./km²
Entidaes de población: Candín, Balouta, Espiñeireda, Lumeiras, Pereda (Ancares), Surbeira, Suárbol, Sortes, Teixéu (Ancares), Vilarbón y Villasumile.
Cabeza del conceyu: Candín
Códigu postal: 24433
Pref. telefónicu: 987
Política (2012)
Alcalde: José Antonio Álvarez Cachón (PP)
Sitiu web oficial
www.candin.ccbierzo.net -

El conceyu d'Ancares identifícase col valle del mesmu nome, el Valle d'Ancares, siendo históricamente una unidá alministrativa. Alministrativamente enmárcase a la comarca d'El Bierzu (Lleón), anque tradicionalmente nun perteneciere ésta. Hasta hai recién identificábase'l topónimu Ancares namás colos pueblos d'esti conceyu y el so valle.

El so nucleu alministrativu ye la llocalidá de Candín (nome que suel aplicase al restu del conceyu de manera oficiosa). Al esti conceyu correspuénden-y dos pueblos (Balouta y Suárbol) que s'alcuentren separtaos del valle pol Puertu d'Ancares (1.648 msnm).

Ancares y Los Ancares[editar | editar la fonte]

Magar que tradicionalmente Ancares correspondía solo col Valle d'Ancares, dende'l segundu terciu del sieglu XX, entamó a estendese'l topónimu Los Ancares pa denomar a los valles adegaños. Abarcando a los valles de Balboa, Burbia (no que se dio en llamar Los Ancares Bercianos, por tar dientro de la xuridicción alministrativa de la comarca d'El Bierzu) y la parte oriental de los conceyos de Cervantes y Navia de Suarna (Los Ancares Lucenses, por tar éstos na provincia de Lugo).

A finales del sieglu XX espurrióse'l so ámbitu de denomación hasta valles y conceyos vecinos, comprendiendo anguaño pueblos y conceyos tan llonxanos del so nucleu orixinal como Barxas, Cebreiro o Furnieḷḷa.

Xeografía[editar | editar la fonte]

Ancares ye un valle montesín allugáu al noroeste de la rexón natural d'El Bierzu.[2] El ríu principal, que da nome al conceyu, ye'l ríu Ancares, afluente del ríu Cúa. Al empar, el ríu Cuiña y Miravalles sirven d'afluentes del primeru.

La so altura varía ente la zona ribereña, unos 800 msnm, hasta los picos más altos que lleguen hasta cuasi los 2.000 msnm (Picu Miravalles 1.969 msnm)

Llocalidaes[editar | editar la fonte]

Nel conceyu alcuéntrense los pueblos siguientes amás de la cabecera, Candín:

Idioma[editar | editar la fonte]

La fala ancaresa encuádrase dientro del gallegu oriental anque presenta bien d'influyencies del lleonés y otres singularidaes propies.

Economía[editar | editar la fonte]

Los ancareses tienen sonadía de ser bonos comerciantes, dedicándose nel pasáu al comerciu colos valles y rexones vecines, probablemente obligaos polos probes rendimientos de l'agricultura (poca tierra y de mala calidá). Ye tradicional el cultivu de la berza cola que s'ellabora'l tradicional caldu ancarés.

La ganadería tuviere muncha importancia na economía del conceyu, tanto na obtención de productos cárnicos como llácteos.

Flora[editar | editar la fonte]

Ancares ye parte de la Reserva Natural de la Sierra d'Ancares, esistiendo exemplares (y en dalgún casu n'abondancia) de castañales, fayeos, carbayos, texos, xardones, umeros bedulios, capudres, ablanos y álamos, ente los árboles. Ente los arbustos y flores: argañes, xiniestes y cambronales; ente les flores destacar la xanzaina. Son abondoses les paciones de monte altu, que sirven de sustentu al ganáu na estada estival.

Población[editar | editar la fonte]

La pirámide poblacional alcuéntrase invertida por mor de la éxodu rural. Nos caberos tiempos vese una tendencia na rehabilitación de les vieyes viviendes familiares, gracies en parte al regresu de dalgunos descendientes, na so gran mayoría como segunda residencia.

Fauna[editar | editar la fonte]

Abonden el corciu y el gochu xabaz, ente les especies más grandes xunto cola fauna del noroeste ibéricu. La población de llobos alitó nos caberos años.

Tienen presencia entá los gallos monteses, los ciervos, les xinetes y inclusive los algaire y dalgún osu.

Los sos ríos trucheros tienen gran sonadía ente los pescadores.

Arquiteutura[editar | editar la fonte]

La vivienda más representativa de l'arquiteutura tradicional ye la palloza (casa de piedra contechu vexetal). Destaquen tamién los restos de cortinos o curtixos, que protexíen a los truébanos del ataque de los osos.

Referencies[editar | editar la fonte]