Anatomía patolóxica

De Uiquipedia
Saltar a: navegación, buscar

L'anatomía patolóxica o patoloxía ye la parte de la ciencia que s'encarga del estudiu de les llesiones celulares, texíos, muérganos, de les sos consecuencies estructurales y funcionales y por tantu de les repercusiones nel organismu.

La pallabra patoloxía remanez del griegu, y ye l'estudiu (logos) del sofrimientu o dañu (pathos).

L'anatomía patolóxica ye ún de los pegoyos cimeros de la medicina y una disciplina básica imprescindible pa médicos, veterinarios y otros profesionales de la sanidá.

La interpretación de los síntomes de les estremaes malureso alteraciones que s'alcuentren na esploración de los pacientes desixe la conocencia de tol espeutru de llesiones que se presenten en caún de los texíos o muérganos.

L'anatomía patolóxica comprende tolos aspeutos de la enfermedá, fundamentalmente a nivel morfolóxicu. Estes alteraciones son estudiaes con diversos métodos, qu'abarquen dende la patoloxía molecular fasta la patoloxía macroscópica, pasando per tolos niveles y téuniques d'observación y estudiu, dende la histoquímica ya inmunohistoquímica fasta la ultraestructura, la microscopía óptica o la simple visión ocular direuta (macroscópica).