Alpe d'Huez

De Uiquipedia
Saltar a: navegación, buscar

L'Alpe d'Huez ye un monte de los Alpes franceses de 1850 m d'altor. La estación d'esquí asitiada na montaña entamó a facese en 1930. En 1936, púnxose'l primer remonte mecánicu de tipu telesquí. Alpe d'Huez ye perfamosu nel mundu pola so rellación cola carrera ciclista del Tour de Francia.


Hestoria[editar | editar la fonte]

Alpe d'Huez ye un de los más famosos finales d'etapa de la carrera gala. Apaeció nel trazau de la Grande Boucle por primer vegada en 1952, cola victoria del italianu Fausto Coppi y, magar que nun se volvió xubir hasta'l Tour del 76, dende entós tuvo presente nel recorríu de la carrera cuasi tolos años, de fechu, la so alta nunca supero más d'una edición y ente 1986 y 1992 xubióse en toles ocasiones. Dende la edición del 95 parez que la frecuencia pola que se decidieron los organizaores pa incluila nel recorriu, ye la d'un añu sí ya un añu non, menos 2003 y 2004, disputada n'ambes ocasiones, camudando la so secuencia d'años impares a los pares.


La so importancia nel desendolcu de la carrera foi incrementándose con cada nueva edición, hasta'l puntu de que, durante dalgunos años, yera famosa la frase de que "quién sal d'amariellu del Alpe d'Huez, gana'l Tour de Francia". Ensin embargu, tres los Tours del 87 y del 89, cuando nin Perico Delgado nin Laurent Fignon pudieron facese cola vitoria final na xeneral dempués de ser llíderes d'Alpe d'Huez, díxose qu'arriendes de salir líder del Alpe d´Huez, había que ganar una contrarreló.


La xubida[editar | editar la fonte]

La xubida entama na rodiada de la llocalidad de Bourg-d'Oisans. El recorriu que se fae na carrera ye (cuasi) siempre'l mesmu, poro que los caberos kilómetros pasen pel pueblu, lo que dexaría, en teoría, facer dalgunos cambeos y pese a que hai otra vía de llegada a la estación que sal de la carretera principal a unos 5 kilómetros de meta, poro, con asfaltu permalu ya una orografía permala pal asitamientu del públicu.

Ensin dulda, la carauterística que más famosu fizo a esti puertu, amás de la so durez, son les 21 curves de ferradura, numberaes en sentiu decreciente dende la base hasta'l cumal y nos carteles, qu'amuesen el númberu de la curva, pue lleese tamién y n'orde cronolóxicu, el nome d'un de los vencedores nel cumal del Alpe d'Huez. Tres la desputa de la edición el 2003, el númberu de venceores nel Alpe d'Huez pasó'l de curves polo que se tomo la idega d'añadir un nome más a cada curva, volviendo entamar pola 21 nuevamente.

Otra peculiaridá más d'estes curves ye que, en si mismes, nun tiene cuasi desnivel, atopándose los puntos más complicaos xusto a la salida les mesmes, au la carretera entama empinase de sópitu. Esta peculiaridá ye un arma de doble filu pal cliclista o'l cicloturista pues, si da 2 ó 3 segundos d'esnieldu, camuda impotemente la cadencia pedaleu.

El desnivel total que se salva ye de 1073 m y una llargura de 13,1 km, con una pendiente media del 8,2% y una cuesta máxima del 11,5%.

L'ascensión del Alpe d'Huez

Kilómetrou 1: Por porcentax ye'l más duru de tola xubida, con una pendiente media del 10.5%, aunque la mayor parte seya al 11%. Entama na rodiada de Bourg-d'Oisans, xusto enantes de travesar una pequeña ponte so'l ríu Romanche. Espués xírase pala manzorga y ye nesi momentu onde realmente entama l'ascensión. Nesti kilómetru ta marcada la curva, a la que s'empobina dexando'l muru piedra a la derecha.

Kilómetros 2 y 3: Empecipia'l culiebréu. Tres curves, la 20, 19 y 18 y un desnivel total del 9.4%. Hai abonda vexetación y l'ambiente nunca llega afogar del too. Nel kilómetru 3 llégase a l'aldea La Garde, a 930 metros d'altor. Equí tán les curves 17 y 16, tando'l porcentax total del kilómetru nel 8.4%

Kilómetros 4 y 5: El kilómetru 4 ye'l más "cenciellu" hasta esi momentu, el so porcentax total ye de 7.7% y nél tán les curves 15 y 14. Nel 5 asitiase'l pueblu La Ribot, a 1091 metros. El desnivel equí ye de 8.8% y hai otres dos curves, la 13 y 12. Empués de pasar pol pueblu, la vexetación pierde bayura d'arboles y eso fai, xuntu a los kilómetros ya ascendíos ya la creciente altitú, la sensación de fatiga.

Kilómetros 6 y 7: Nuevamente suavízase la cuesta, quedándose nel 7.2% nel kilómetru 6 pa atopanos nos siguientes mil metros coles ramples más dures, por porcentax, de la xubida, raspiando'l 12% en tres tramos estremaos con un porcentax acumuláu del kilómetru del 9.5%.. Nel primer kilómetru hai dos curves más, la 11 y la 10. La curva 9 xunta dos de los tramos al 12% y la 8 asitiase a la salida del tercer tramu.

Kilómetru 8 y 9: Dende esti momentu'l paisax tresformase ca vegada más xabaz, con muncha menos vexetación que na base de la xubida. La xubida faíse más monótona pos nestos dos mil metros sólo se pasa per dos curves, la 7, cuasi al entamu'l kilómetru 9 y la 6, no cabero'l kilómetru 9. El primeru tien un porcentax del 8% y el segundu del 7.2%.

Kilómetru 10, 11 y 12: Estos tres kilómetros xunen la llocalidá d'Huez cola estación d'esquí que da nome a la xubida. Son perasemeyaes nos sos porcentaxes, 8.5%, 8.6% y 8.5% respeutivamente. Sólo al empecipiar el kilómetru 12, a la salida d'Huez, hay una cuesta del 11%, de seguío de la curva 5, unos metros más p'adelantre tá la 4. Ya nel kilómetru 11 atóopanse les curves 3 y 2 pa, finalmente, nel kilómetru 12 atopar la curva númberu 1, la última de la xubida.

Kilómetru 13: Pasase'n tola so totalidá peles cais de la estación d'esquí, el so desnivel ye del 4.3%, muncho más llanu que'l restu de l'ascensión. La recta de meta ye cuasi plana

Curiosidaes[editar | editar la fonte]

Por naciones, Holanda tien el mayor númberu de vitories, 8, siguida d'Italia con 7. Por esti motivu, se-y conoz dende fai asgaya tiempu como "la montaña los holandeses" y por esti motivu tamién, la presencia d'aficionaos d'esti país ye masiva.

El Tour del 2004 foi l'únicu nel que nun se disputó una etapa en llínia sinon nuna cronoescalada. Cuasi un millón d'aficionaos se dieron cita aquel día pa ver la vitoria de Lance Armstrong.

Seis correores ganaron en dos ocasiones n'Alpe d'Huez: Joop Zoetemelk, Hennie Kuiper, Peter Winnen, Gianni Bugno, Marco Pantani y Lance Armstrong. Tres españoles ganaron na montaña de les 21 curves de ferradura: Carlos Sastre, Federico Echave ya Iban Mayo, otros tres españoles salieron como llíderes de la clasificación xeneral dempués de la disputa d'está mítica etapa: Perico Delgado, nos Tours del 87 y 88, ganando la edición d'esti últimu, Miguel Indurain, nos Tours del 91, 92, 94 y 95, ganador de la xeneral final en toos ellos, Carlos Sastre también s'asitió como llíder tres ganar nesti míticu puertu na edición 2008.


Altor de les curves de ferradura del Alpe d'Huez[editar | editar la fonte]

Llegada: 1850 m.

Xiru 1: 1713 m.

Xiru 2: 1669 m.

Xiru 3: 1629 m.

Xiru 4: 1553 m.

Xiru 5: 1512 m.

Xiru 6: 1480 m.

Xiru 7: 1390 m.

Xiru 8: 1345 m.

Xiru 9: 1295 m.

Xiru 10: 1245 m.

Xiru 11: 1195 m.

Xiru 12: 1161 m.

Xiru 13: 1120 m.

Xiru 14: 1050 m.

Xiru 15: 1025 m.

Xiru 16: 980 m.

Xiru 17: 950 m.

Xiru 18: 922 m.

Xiru 19: 900 m.

Xiru 20: 880 m.

Xiru 21: 806 m.

Ganadores del Alpe d'Huez[editar | editar la fonte]

2008: Carlos Sastre España

2006: Frank Schleck Luxemburgu

2004: Lance Armstrong Estaos Xuníos

2003: Iban Mayo España

2001: Lance Armstrong Estaos Xuníos

1999: Giuseppe Guerini Italia

1997: Marco Pantani Italia

1995: Marco Pantani Italia

1994: Roberto Conti Italia

1992: Andrew Hampsten Estaos Xuníos

1991: Gianni Bugno Italia

1990: Gianni Bugno Italia

1989: Gert-Jan Theunisse Holanda

1988: Steven Rooks Holanda

1987: Federico Echave España

1986: Bernard Hinault Francia

1984: Luís Herrera Colombia

1983: Peter Winnen Holanda

1982: Beat Breu Suiza

1981: Peter Winnen Holanda

1979*: Joop Zoetemelk Holanda

1979*: Joaquim Agostinho Portugal

1978: Hennie Kuiper Holanda

1977: Hennie Kuiper Holanda

1976: Joop Zoetemelk Holanda

1952: Fausto Coppi Italia


  • Nel Tour de Francia 1979, hubo dos etapes n'Alpe d'Huez.


Ascensiones más rápides a Alpe d'Huez[editar | editar la fonte]

L'ascensión más rápida protagonizóla Marco Pantani en 1995: 36' 50s. Tolos tiempos tán tomaos a 13,8 km del cumal.

Posición Tiempu Nome Añu País 

1 36' 50" Marco Pantani 1995 Italia

2 36' 55" Marco Pantani 1997 Italia

3 37' 15" Marco Pantani 1994 Italia

4 37' 36" Lance Armstrong 2004 Estaos Xunidos

5 37' 40" Jan Ullrich 1997 Alemaña

6 38' 05" Lance Armstrong 2001 Estaos Xunidos

7 38' 10" Miguel Indurain 1995 España

8 38' 10" Alex Zülle 1995 Suiza

9 38' 15" Bjarne Riis 1995 Dinamarca

10 38' 20" Richard Virenque 1997 Francia