Allyn Joslyn
Allyn Joslyn | |
|---|---|
 | |
| Vida | |
| Nacimientu |
Milford (es)  , 21 de xunetu de 1901[1] |
| Nacionalidá |
 Estaos Xuníos |
| Muerte | Woodland Hills, 21 de xineru de 1981[1] (79 años) |
| Sepultura | Forest Lawn Memorial Park |
| Estudios | |
| Estudios |
Chestnut Hill Academy (en) Springside Chestnut Hill Academy (en) |
| Oficiu | actor de teatru, actor de cine, actor de televisión |
| IMDb | nm0430870 |
 | |
Allyn Joslyn (21 de xunetu de 1901, Milford (es) – 21 de xineru de 1981, Woodland Hills) foi un actor teatral, cinematográficu y televisivu d'Estaos Xuníos.
Biografía[editar | editar la fonte]
Nacíu en Milford (Pennsylvania), el so padre yera un inxenieru de mines. Empecipiáu como actor teatral a los 17 años d'edá, Joslyn trabayó como primer actor en producciones representaes nel circuitu de Broadway como Boy Meets Girl (1936) y Arsenic and Old Lace (1941), nesta postrera nel papel de Mortimer Brewster.
Sicasí, Hollywood nun vía a Joslyn como un primer actor. Por ello, nel cine hubo de dedicase a la interpretación de personaxes como reporteros aborrecibles, debiluchos y "otros homes" que nunca consiguíen a la moza, ente qu'estrelles como James Cagney y Cary Grant faíen los papeles qu'él asumiera en Broadway. Sicasí, na cinta de serie B It Shouldn't Happen to a Dog (1946), Joslyn por una vegada foi escoyíu pa faer el primer papel, ya inclusive consiguía a la heroína, Carole Landis.
Ente les sos actuaciones cinematográfiques más destacaes figuren la del aviador les Peters en Only Angels Have Wings (1939); George en The Great McGinty (1940); el cáusticu direutor de No Time for Comedy (1940); el reporteru Chic Clark en My Sister Eileen (1942); Albert Van Cleve en Heaven Can Wait (1943); un excéntrico poeta en The Shocking Miss Pilgrim (1947); y un xugador en Titanic (1953).
Un prolíficu actor radiofónicu y televisivu, Joslyn coprotagonizó la sitcom emitida en 1953-1954 pola ABC Where's Raymond?, na cual interpretaba a Jonathan Wallace, hermanu de Raymond Wallace, personaxe encarnáu por Ray Bolger. Betty Lynn interpretaba a June Wallace, la nueva esposa de Joslyn. Joslyn y Lynn dexaron la serie en 1954-1955, cuando pasó a llamase The Ray Bolger Show.[2]
En 1957 Joslyn foi l'axente lliterariu George Howell nuna sitcom de curtia trayeutoria de la CBS, The Eve Arden Show. Na temporada 1960-1961, Joslyn trabayó na serie de Pat O'Brien pa la ABC Harrigan and Son. Amás, foi'l Coronel na sitcom de 1962 McKeever And The Colonel, y esi mesmu añu actuó como artista convidáu na serie criminal de la ABCTarget: The Corruptors!.
Otru de los sos trabayos televisivos fueron delles actuaciones n'episodios de The Addams Family nel papel del acosáu Sam L. Hilliard, direutor d'escuela y políticu.
En 1935 Joslyn casóse con Dorthy Yockel, permaneciendo xuntos hasta la muerte d'ella, asocedida en 1978. Tuvieron una fía.
Allyn Joslyn finó en 1981 por causa d'una insuficiencia cardiaca en Woodland Hills (Los Angeles). Tenía 79 años d'edá. Foi soterráu nel Campusantu Forest Lawn Memorial Park de Hollywood Hills, Los Angeles.
Seleición de la so filmografía[editar | editar la fonte]
- Only Angels Have Wings (1939)
- Bedtime Story (1941)
- My Sister Eileen (1942)
- Heaven Can Wait (1943)
- The Shocking Miss Pilgrim (1947)
- Titanic (1953)
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre Allyn Joslyn 
.- Allyn Joslyn na Internet Movie Database (n'inglés)
- Allyn Joslyn na Internet Broadway Database (n'inglés)
- «Allyn Joslyn». en Find a Grave. (n'inglés)
| Control d'autoridaes |
|
|---|
Datos: Q2069005- Multimedia: Allyn Joslyn