Alixa

De Uiquipedia
Saltar a: navegación, buscar
Alixa
Alixa Escudu d'Alixa
Comarca Vega del Órbigu
Subcomarca Alixa
Provincia Lleón
Superficie 52,31 km²
Población 905
Densidá 17,3 hab/km²
Ríu Órbigu
Xentiliciu Alixanu
Partaz Postal 24761
Poblaciones

Alixa (Alija del Infantado) ye un conceyu del sur de Lleón, llendante con Zamora, en plenu procesu despoblación, pola absorción de los dos grandes núcleos cercanos, La Bañeza y Benavente [ensin referencies].

La fundación de la población que tien l'Ayuntamientu considérase orixinaria de la población astur Aligantiam, teniendo una historia perllarga como indiquen los despoblaos de Bécares, o la presencia de monumentos de gran antigüedá como la Bodega d'Ozaniegu datada del sieglu XII o los monumentos nacionales de la ilesia de San Estebán (templaria) y el castiellu del conceyu.

La so adscripción a una o otra comarca ye percomplicada dao que comparte rasgos col Páramu baxu, los Valles de Benavente y la Vega del Órbigu, onde s'alluga como subcomarca.

La so agricultura ta torgada por mor de nun tar modernizaos los sistemes d'esplotación, al igual que la ganadería. La so economía pretende xirar sobre'l desendolcu turísticu gracies a la so monumentalidá si qu'asina'l texíu industrial d'esti seutor nun ta nin tan siquier desendolcáu.

Tamién destaca la ponte de la Vizana que yera ún de los pasos principales de la Treshumancia pa les tierres del sur, y foi tala la so fama que dió nome a una de les cañaes d'esti xigantescu sistema de pastoríu.

Climáticamente ye continental, nun teniendo nenguna diferencia coles zones restantes a nun ser pola humedá presente al so allugamientu pente la Sierra d'Arrabalde y el ríu Órbigu.

Enllaces esternos[editar | editar la fonte]

Páxina del Conceyu d'Alixa