Algorab
Coordenaes: 
12h 29m 51.855s, -16° 30′ 55.553″
Algorab ye'l nome de la estrella δ Corvi (δ Crv / 7 Crv),[10] la tercera más brillosa de la constelación de Corvus, el cuervu, detrás de Gienah Gurab (γ Corvi) y Kraz (β Corvi), con magnitú aparente +2,94. Precisamente xunto con Gienah Gurab, ye una de les estrelles que sirven de referencia p'atopar a la brillosa Espiga (α Virginis). Algorab ye una estrella binaria que les sos componentes, de color blancu y anaranxáu, formen un contraste bien interesante pa la observación.
Nome[editar | editar la fonte]
El nome Algorab provién del árabe ألغراب, Al-Ghurab, y significa «el cuervu». Na astronomía china formaba, xunto a Kraz (β Corvi), Gienah Gurab (γ Corvi) y Minkar (ε Minkar), l'asterismu Tchin, que simbolizaba un carru de guerra.[11]
Carauterístiques[editar | editar la fonte]
Algorab A ye una estrella blanca de tipu espectral A0V y 10.000 K de temperatura efectivo. Relluma con una lluminosidá equivalente a la de 48 soles. Con un radiu unes dos veces más grande que'l radiu solar, xira sobre sigo mesma rápido, siendo'l so velocidá de rotación proyeutada de 236 km/s.[12] Amuesa una composición química que difier significativamente de la solar. Dellos elementos, como circoniu y sodiu, son «sobreabundantes»; esti últimu metal ye 15 vegaes más abondosa que nel Sol. Otra manera, otros elementos, como'l estronciu, presenten niveles baxos; el conteníu relativo d'esti elementu ye 7 vegaes menor que nel Sol.[13] Algorab A tien una masa de 2,5 mases solares.[14]
Algorab B ye una nana naranxa con una temperatura d'aproximao 5000 K y una lluminosidá igual al 30% de la lluminosidá solar. Amuesa un escesu na radiación infrarroxo emitida, lo qu'indica la presencia d'un discu circumestelar. Ye una estrella nueva, con una edá d'apenes 110 millones d'años, qu'apocayá salió de la fase d'estrella T Tauri y tase asitiando na secuencia principal. Les estrelles T Tauri son estrelles recién formaes a partir de gas y polvu interestelar, polo que'l discu qu'arrodia a Algorab B puede ser el remanente que quedó dempués de la so nacencia.[14]
La distancia mínima ente Algorab A y B ye de 650 UA, siendo el so periodu orbital de siquier 9400 años. El sistema alcuéntrase a 87 años lluz del sistema solar.[14]
Referencies[editar | editar la fonte]
- ↑ 1,0 1,1 1,2 1,3 1,4 Afirmao en: SIMBAD.
- ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ Robert Rich (marzu 2003). «Spectroscopy of New High Proper Motion Stars in the Northern Sky. I. New Nearby Stars, New High-Velocity Stars, and an Enhanced Classification Scheme for M Dwarfs» (n'inglés). The Astronomical Journal (3): páxs. 1598–1622. doi:.
- ↑ Christopher J. Corbally (2 xunu 2006). «Contributions to the Nearby Stars (NStars) Project: Spectroscopy of Stars Earlier than M0 within 40 pc--The Southern Sample» (n'inglés). The Astronomical Journal (1): páxs. 161–170. doi:.
- ↑ Delta Corvi (SIMBAD)
- ↑ Allen, Richard Hinckley (1889). «Corvus», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 8 de payares de 2011.
- ↑ Royer, F.; Zorec, J.; Gómez, A. E. (2007). «Rotational velocities of A-type stars. III. Velocity distributions». Astronomy and Astrophysics 463 (2). páxs. 671-682. http://cdsads.u-strasbg.fr/cgi-bin/nph-bib_query?2007A%26A...463..671R&db_key=AST&nosetcookie=1.
- ↑ Erspamer, D.; North, P. (2003). «Automated spectroscopic abundances of A and F-type stars using echelle spectrographs. II. Abundances of 140 A-F stars from ELODIE». Astronomy and Astrophysics 398. páxs. 1121-1135 (Tabla consultada en CDS). http://cdsads.u-strasbg.fr/cgi-bin/nph-bib_query?2003A%26A...398.1121Y&db_key=AST&nosetcookie=1.
- ↑ 14,0 14,1 14,2 Algorab (Stars, Jim Kaler)
Coordenaes: 12h 29m 51.855s, -16° 30′ 55.553″
Datos: Q15698