Alfonso IX

De Uiquipedia
Saltar a: navegación, buscar
Alfonso IX según una miniatura del Tumbu A de la Catedral de Santiago de Compostela.

Alfonso IX de Lleón[1] (Zamora, 15 d'agostu de 1171 - Sarria, 24 de setiembre de 1230) foi rei de Lleón[2] dende'l 21 de xineru de 1188 hasta la so muerte.

Fíu de Fernando II de Lleón y Urraca de Portugal, tuvo dificultaes pa facese col poder por mor de les intrigues de la so madrastra Urraca López de Haro, qu'aspiraba a entronizar al so propiu fíu, l'infante Sancho. A lo llargo del so reináu tuvo munchos conflictos y tensiones col so primu Alfonso VIII de Castiella. A cuent d'ellos, tuvo ausente na Batalla de les Naves de Tolosa, anque fizo una gran actividá recuperando pa la Cristiandá les ciudaes de Cáceres, Mérida y Badajoz.

Casó primero con Teresa de Portugal, casoriu anuláu por consanguinidá y llueu (1198) con Berenguela de Castiella, con quien tuvo al infante Fernando. Tres anular tamién esti matrimoniu, Berenguela llevó al so fía al so llugar de nacencia y llogró convertirlu en rei de Castiella a la muerte d'Enrique I en 1217. Padre y fíu distanciáronse y, al paecer, l'animadversión d'Alfonso IX pa colos castellanos llevólu a dexar el reinu en manes de Sancha y Dulce, les fíes que tuviera cola so primer esposa, Teresa de Portugal. Sicasí, la madre de Fernando negoció con Teresa de Portugal la entrega d'una pensión vitalicia a Sancha y Dulce empara de los sos derechos y Fernando —qu'amenazara a les sos hermanastres con atacar el reinu si nun se cumplíen les sos esixencias— socedió a so padre como rei de Lleón, xuntando dambes corones cola llamada Concordia de Benavente.


Predecesor:
Fernando II de Lleón
Rei de Lleón
1188 - 1230
Socesor:
Fernando III el Santu

Referencies[editar | editar la fonte]

  1. Según la numberación cronolóxica real del Reinu de Lleón, habría ser conocíu como Alfonso VIII, pero, históricamente asignóse-y l'ordinal IX, como forma d'"axuntar" les cronoloxíes de Lleón y de Castiella (en Castiella reinaba daquella Alfonso VIII). Sicasí, nes Siete Partíes del so nietu Alfonso X el Sabiu, ésti afirmaba ser "Afonso IX"
  2. La titulación completa yera Rex Legionis et Gallecie (Rei de Lleón y Galicia). En dalguna ocasión tamién usó'l títulu Rex Asturianum (Rei d'Asturies)