Alfabetu asturianu

Anguaño l'alfabetu asturianu ta compuestu por venticuatro lletres:

Símbolu Nome del símbolu

• A a a (cola variación Á á)
• B b be
• C c ce
  • Ch ch che (ye un dígrafu de c)
• D d de
• E e e (cola variación É é)
• F f efe
• G g gue
• H h hache
  • Ḥ ḥ hache aspirada (variación dialeutal de f)
• I i i (cola variación Í í)
• L l ele
  • LL ll elle (dígrafu de la l)
  • ḶḶ ḷḷ che vaqueira (variación dialeutal de ll)
• M m eme
• N n ene
• Ñ ñ eñe
• O o o (cola variación Ó ó)
• P p pe
• Q q cu
• R r erre
• S s ese
• T t te
  • TS ts te ese (variación dialeutal de ch pa dellos casos)
• U u u (coles variaciones Ú ú y Ü ü)
• V v uve
• X x xe
• Y y y griega ye
  • YY yy ye doble (variación dialeutal de y -tamién de ch y ll/ḷḷ- pa dellos casos)
• Z z zeta, zeda

Carauteres especiales: puntu (.) , coma (,), puntu y coma (;), dos puntos (:), acentu agudu (´), apóstrofu ( ' ) diéresis (¨), guión curtiu (-).

Históricamente, delles lletres representáronse d'otra forma, d'esti mou j usóse pa ḥ, ts pa ḷḷ, lh pa ll, nh pa ñ, ẍ pa x.

Amás, l'alfabetu asturianu reconoz la posibilidá del usu de les lletres k, w y j pa estranxerismos, les dos primeres polo xeneral d'orixe inglés y la última d'orixe castellanu.