Aldebarán

De Uiquipedia
Saltar a: navegación, buscar
Tamañu comparativu d'Aldebarán col Sol.

Aldebarán ye una estrella perlluminosa, de primera magnitú, que s'atopa na constelación del Tauru (Taurus). Ye llamada tamién güeyu de Toru, porque ocupa la posición del güeyu na representación mítica d'esa constelación, y ye fácil de ver, porque sigue al grupu de les Pléyades. Ye de color abermeyáu y tien una temperatura na superficie de 5100º C. Ta cerca la Tierra, a unos 53 años-lluz, y por eso ye tan resplandiente.