Air Gear

De Uiquipedia
Saltar a: navegación, buscar

Air Gear ye un manga d'Oh! Great (Ogure Ito) asoleyáu nel 2003.

El manga y l'anime llicenciáronse nel 2006, tamién sacaron un musical colos personaxes del anime/manga, el tema d'esti anime va de Storm Riders qu'empleguen unos patinos llamados Air Trecks. Los Air Trecks (o AT p'acurtiar) son unos patinos con un motor amestáu de dos ruedes ún en frente del otru. El motor ta basáu nuna distribución de pesu, dependiendo de cómo apoye nel suelu avanza. Los patinadores que lleven los Air Trecks y peleen con otros patinadores son llamaos Storm Riders.

Argumentu[editar | editar la fonte]

Minami "Ikki" Itsuki ye un estudiante (y delincuente). Faise llamar el "Invencible BabyFace". Ikki ye'l líder de la banda del llau Este. Pero un día cuando va de vuelta a casa, ye atacáu por unos Storm Riders llamaos Skull Saders y Ikki descubre un secretu escondíu de les hermanes Noyamano coles que vive. Les hermanes son d'un grupu de Storm Riders llamaes Sleeping Forest (Viesca Durmiente). Enfadáu coles hermanes Noyamano, Ikki róba-yos unos AT y enfrentase a los Skull Saders, asina ye como d'un momentu pa otru vese endolcáu nel mundu misteriosu de los Air Trecks.

Los qu'empleguen AT son clasificaos por rangos. Hai 6 clases: Clas-F (pa principiantes), Clas-E, Clas-D, Clas-C, Clas-B, y Clas-A. Llueu ta la séptima clas d'Elite, penriba de la Clas-A llamaes Clas-S o Especial-A.

La organización básica de los patinadores son los grupos, pa fundar un grupu AT ha de se gastar munchu dineru nel diseñu de la ropa, les pegatines y l'emblema. Les pegatinas sirven pa marcar el territoriu. Un grupu d'AT necesita tener un territoriu onde puean prauticar los sos movimientos.

Parts War - Estes son les pelees que puen facer los Storm Riders p'algamar pieces d'AT, territorios, o Regalia. Los equipos que s'enfrenten han tener la mesma clas. Hai dellos grupos qu'apuesten los sos emblemes, si eso ocurre y pierden, el grupu disuelvese. Tamién se pue apostar el territoriu. Hai seis niveles:

  • Clas-F - "Carrera" - Una carrera escontra los sos oponentes
  • Clas-E - "Obstaculos" - Han de saltar los obstaculos que se-yos ponga
  • Clas-D - "Cubu" - Son pelees d'ún escontra ún n'estremaes estayes
  • Clas-C - "Aire" - Intentar echar al oponente demientres se salta per un poste
  • Clas-B - "Discu"
  • Clase-A - "Globu" - 5-persones del grupu peleen p'apegar el so distintivu nun globu

Los Reis - Los meyores Storm Riders son nomaos Reis, caún pertien la so propia Regalia.