Achdé

De Uiquipedia
Saltar a: navegación, buscar

Achdé, ye'l nomatu artísticu de Hervé Darmenton (Lyon, 30 de xunetu de 1961), guionista y dibuxante de cómic francés. El so seudónimu vien de les sos iniciales, H-D, a imitación d'otros dibuxantes como Hergé, Jijé, Jidéhem

Biografía[editar | editar la fonte]

Anantes de convertise en dibuxante, Achdé trabayó como manipulador n'electrorradioloxía, pero abandonó esta carrera pa consagrase al dibuxu en 1985. Collaboró entós en dellos fanzinos, y autopublicó'l so primer trabayu, Destins croisés en 1988[1]. Ficha pola editorial Dargaud en 1991 y crea delles nueves series, solu o acompañáu, como Fort Braillard, Woker (que trata d'un Tarzán interplanetariu), y Doc Véto. En 1993, asoleya la serie humorística C.R.S = Détresse.

Depués de la muerte de Morris en 2001, encargóse de la xera de continuar la serie Lucky Luke en collaboración con Laurent Gerra. Declaró entós, « Pa mi eso foi un suañu de la neñez; cuando yera pequeñu, Lucky Luke yera'l mio héroe favoritu, y cuando fui mozu quise convertime en dibusante »[2].

Notes[editar | editar la fonte]