Hanoi

De Uiquipedia
(Redirixío dende Ḥanoi)
Saltar a: navegación, buscar

Hanoi (tamién Ḥanói[1]; en vietnamín: Hà Nội) ye la capital de Vietnam. Tien una población estimada de 3.145.300 d'habitantes (en 2005). Anteriormente foi la capital de Vietnam del Norte ente 1954 y 1976. La ciudá asítiase na oriella derecha del ríu Colloráu. La so industria incluye la fabricación de ferramientes, productos químicos y artesaníes.

Hestoria de la ciudá[editar | editar la fonte]

Foi fundada pol rei Ly Thai To en 1010, y el so nome varía a lo llargo de los sieglos : Kecho, Dai La, Thang Long, Dong Kinh (del chinu dong jing, que significa «capital del Este»), que foi llatinizada en Tonkín. El nome de Tonkín designa anguaño la provincia qu'arrodia la ciudá, ye dicir el Norte del Vietnam actual.

Foi centru alministrativu de China baxo'l sistema colonial qu'esti país estableció a partir de la dinastía Han. Hanoi foi ocupada polos franceses en 1873 y entamó una tresformación urbanística de corte ocidental. Asinamismo, convirtióse na capital de la Indochina francesa en 1887.

La ciudá foi ocupada polos xaponeses en 1940 y foi lliberada en 1945 por China, convirtiéndose en sede del gobiernu vietnamita. De 1946 a 1954, foi escenariu de una gran llucha ente los franceses y los vietnamites cuando los primeros intentaron retomar el so control d'esti país. Al fracasu d'esti intentu, la ciudá convirtióse na capital de Vietnam del Norte.

Demientres la Guerra de Vietnam, la ciudá sufrió varios bombardeos lo que destruyó los sos puentes y víes férrees, aislandola aunque estos daños fueron rápidamente iguaos. Depués del final de la guerra, la ciudá convirtióse na capital del Estáu cuando Vietnam del Norte y Vietnam del Sur se convirtieron nun solu país el 2 de xunetu de 1976.

Referencies[editar | editar la fonte]

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8